ಮನವ ನಿಲಿಸಿಹೆನೆಂದು,

ಮನವ ನಿಲಿಸಿಹೆನೆಂದು, ಆ ಮನದ ನೆಲೆಯ ಕಾಣದೆ, ಅರುಹು ಮರವೆಗೊಳಗಾಗಿ, ಕಳವಳವ ಮುಂದುಮಾಡಿ, ಚಿಂತೆ ಸಂತೋಷವನೊಡಲುಮಾಡಿ, ಭ್ರಾಂತುಗೊಂಡು ತಿರುಗುವ ಮನುಜರಿರಾ, ನೀವು ಕೇಳಿರೊ. ಮನವ ನಿಲಿಸುವುದಕ್ಕೆ ಶರಣರ ಸಂಗಬೇಕು, ಜನನ ಮರಣವ ಗೆಲಬೇಕು. ಗುರು ಲಿಂಗ ಜಂಗಮದಲ್ಲಿ ವಂಚನೆಯಿಲ್ಲದೆ, ಮನ ಸಂಚಲವ ಹರಿದು, ನಿಶ್ಚಿಂತವಾಗಿ ನಿಜವ ನಂಬಿ ಚಿತ್ತ ಸುಯಿದಾನವಾದಲ್ಲದೆ, ಮನದೊಳಗೆ ಲಿಂಗವು ಅಚ್ಚೊತ್ತಿದಂತಿರದೆಂದರು ಬಸವಣ್ಣನ ಶರಣರು, ನಮ್ಮ ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣ.

Transliteration Manava nilisihenendu, ā manada neleya kāṇade, aruhu maravegoḷagāgi, kaḷavaḷava mundumāḍi, cinte santōṣavanoḍalumāḍi, bhrāntugoṇḍu tiruguva manujarirā, nīvu kēḷiro. Manava nilisuvudakke śaraṇara saṅgabēku, janana maraṇava gelabēku. Guru liṅga jaṅgamadalli van̄caneyillade, mana san̄calava haridu, niścintavāgi nijava nambi citta suyidānavādallade, manadoḷage liṅgavu accottidantiradendaru basavaṇṇana śaraṇaru, nam'ma appaṇṇapriya cennabasavaṇṇa.

ಪ್ರತಿಕ್ರಿಯೆಗಳು / Comments