ಎರಡು ಹೆಸರಿನ ಮರದ
ಬೊಡ್ಡೆಯಲಾಡುವಾಲಿಯ ಮನೆ
ಏಳು ಬಗೆಯ ನಿರ್ಮಿತ,
ಹತ್ತು ಬಗೆಯ ಹರವರಿ,
ಒಂಬತ್ತು ಬಗೆಯ ಹಾದಿ.
ಆ ಮನೆಯ ಪಂಚಾಳರು ರಚಿಸಿದರು ನೋಡಾ!
ಮನೆಯೊಳಗೆ ಮಧುರದ ಪಾಕವಾಗುತಿರೆ,
ಆ ಮಧುರದ ಸವಿಗೆಟ್ಟು, ಹೊತ್ತಿ,
ಹೊಗೆ ಮನೆಯ ಸುತ್ತಿದುದ ಕಂಡು,
ಕೆಟ್ಟಡಿಗೆಯನಟ್ಟು, ಶುದ್ಧ ಮಾಡುವೆನೆಂದು,
ಹಿಂದಣ ಮನೆಯ ಸುಟ್ಟು, ಮುಂದೊಂದು ಮನೆಯ ಕಟ್ಟಿ,
ಅಂದಚೆಂದವ ನೋಡಿ,
ಆಡಿಸುತ್ತಿದ್ದ ಭೇದವ ನೀನೆ ಬಲ್ಲೆ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Eraḍu hesarina marada
boḍḍeyalāḍuvāliya mane
ēḷu bageya nirmita,
hattu bageya haravari,
ombattu bageya hādi.
Ā maneya pan̄cāḷaru racisidaru nōḍā!
Maneyoḷage madhurada pākavāgutire,
ā madhurada savigeṭṭu, hotti,
hoge maneya suttiduda kaṇḍu,
keṭṭaḍigeyanaṭṭu, śud'dha māḍuvenendu,
hindaṇa maneya suṭṭu, mundondu maneya kaṭṭi,
andacendava nōḍi,
āḍisuttidda bhēdava nīne balle
paramaguru paḍuviḍi sid'dhamallināthaprabhuve.
