ಆಸೆಯೆಂಬುದು ಆರಾರನು ಕೆಡಿಸದಯ್ಯ?
ಸೀಮೆ ಭೂಮಿಗಾಸೆಗೈದು ಮಡಿದ ರಾಜರ
ಹೇಳೆಂದರೊಂದು ಕೋಟ್ಯಾನುಕೋಟಿ.
ಹೊನ್ನು ಹೆಣ್ಣಿಂಗೆ ಆಸೆಗೈದು ಮಡಿದವರ
ಹೇಳೆಂದರೊಂದು ಕೋಟ್ಯಾನುಕೋಟಿ.
ಹೆಣ್ಣು ವಿಷಯಕ್ಕೆ ಆಸೆಗೈದು ಮಡಿದವರೊಂದು ಕೋಟ್ಯಾನುಕೋಟಿ.
ಹೊನ್ನು ಹೆಣ್ಣು ಮಣ್ಣಿಗೆ ಆಸೆಗೈದು ಮಡಿದವರ ಕಾಂಬೆನಲ್ಲದೆ,
ನಿನಗಾಡಿ ನಿರಾಸಕ್ತರಾಗಿ ಸತ್ತವರನಾರನೂ ಕಾಣೆನಯ್ಯಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Āseyembudu ārāranu keḍisadayya?
Sīme bhūmigāsegaidu maḍida rājara
hēḷendarondu kōṭyānukōṭi.
Honnu heṇṇiṅge āsegaidu maḍidavara
hēḷendarondu kōṭyānukōṭi.
Heṇṇu viṣayakke āsegaidu maḍidavarondu kōṭyānukōṭi.
Honnu heṇṇu maṇṇige āsegaidu maḍidavara kāmbenallade,
ninagāḍi nirāsaktarāgi sattavaranāranū kāṇenayyā
paramaguru paḍuviḍi sid'dhamallināthaprabhuve.
