ಕೈಲಾಸವೆಂಬುದು ಬೇರಿಲ್ಲಾ ಕಾಣಿರೋ!
ಲಿಂಗಾಂಗಸಂಗಮರಸದಲ್ಲಿಪ್ಪ ಶರಣನ
ಅಂತರಂಗದಲ್ಲಿ ಕೈಲಾಸವಿಪ್ಪುದು.
ಎಂತಿಪ್ಪುದೆಂದರೆ ಹೇಳುವೆ ಕೇಳಿರಣ್ಣಾ:
ಆಚಾರ-ಕ್ರಿಯೆಗಳೆಂಬ ಕೋಟೆ-ಕೊತ್ತಳಂಗಳು,
ಶುಚಿ-ಶೀಲಗಳೆಂಬ ಅಗಳಂಗಳು,
ಪುಣ್ಯ-ಪಾಪಗಳೆಂಬೆರಡ ನೋಡಿ ನಡೆದುದೆ
ಕೈಲಾಸದ ಹೆಬ್ಬಾಗಿಲು ಕಾಣಿರೊ.
ಧರ್ಮಸಂಚೆಗಳೆಂಬ ದಾರುವಂದಲಗಳು,
ಕರ್ಮವ ಮೆಟ್ಟಿ ನಡೆದುದೆ ಹೊಸ್ತಿಲಸ್ತರ.
ಶಿವಭಕ್ತಿ ಕೀರ್ತಿವಡೆದ ವಾರ್ತೆಯೆಂಬ
ಹುಲಿಮುಖ ಡೆಂಕಣಿ ಮೇರುವ ಕಾಣಿರೊ.
ಜ್ಞಾನ ಸುಜ್ಞಾನದೊಳು ಬೆರಸುತಿಪ್ಪುದೆ
ಸೋಮಬೀದಿ ಸೂರ್ಯಬೀದಿ ಕಾಣಿರೊ.
ಅರುವೆಂಬುದನಾಚರಿಸುವುದೆ
ಶಿವ ಮೂರ್ತವಮಾಡುವ ಸಿಂಹಾಸನ ಕಾಣಿರೊ.
ಮರವೆಂಬ ಮಾಯವ ಮೆಟ್ಟಿ ನಡೆದುದೆ
ಸಿಂಹಾಸನವನೇರುವುದಕ್ಕೆ ಪಾವಟಿಗೆ ಕಾಣಿರಣ್ಣ.
ಇಂತಪ್ಪ ಶೃಂಗಾರವೆಲ್ಲ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭು
ಒಲಿದ ಶಿವಶರಣನಂತರಂಗದಲ್ಲೆ ಇದ್ದಿತ್ತು.
Transliteration Kailāsavembudu bērillā kāṇirō!
Liṅgāṅgasaṅgamarasadallippa śaraṇana
antaraṅgadalli kailāsavippudu.
Entippudendare hēḷuve kēḷiraṇṇā:
Ācāra-kriyegaḷemba kōṭe-kottaḷaṅgaḷu,
śuci-śīlagaḷemba agaḷaṅgaḷu,
puṇya-pāpagaḷemberaḍa nōḍi naḍedude
kailāsada hebbāgilu kāṇiro.
Dharmasan̄cegaḷemba dāruvandalagaḷu,
karmava meṭṭi naḍedude hostilastara.
Śivabhakti kīrtivaḍeda vārteyemba
hulimukha ḍeṅkaṇi mēruva kāṇiro.
Jñāna sujñānadoḷu berasutippude
sōmabīdi sūryabīdi kāṇiro.
Aruvembudanācarisuvude
śiva mūrtavamāḍuva sinhāsana kāṇiro.
Maravemba māyava meṭṭi naḍedude
sinhāsanavanēruvudakke pāvaṭige kāṇiraṇṇa.
Intappa śr̥ṅgāravella
paramaguru paḍuviḍi sid'dhamallināthaprabhu
olida śivaśaraṇanantaraṅgadalle iddittu.
