ಕರಸ್ಥಲದ ಲಿಂಗ ಕೈಸೇರಿ ಇರು
ತಿರಲನ್ಯ ಭಯಗಳುಂಟೆ ಗುರುವೆ?
ಕಂಠೀರ[ವ]ನಿಹ ವನದೊಳು ಕರಿಯಭಯ
ವುಂಟೇ ಇನ್ನಾ ತೆರದೊಳು
ಬಂಟಾಯುಧವಿರೆ ಕರದೊಳು ಸೂಜಿಯ ಮೊನೆಯ
ತುಂಟಕದ ಭಯಗಳುಂಟೆ ಗುರವೆ? | 1 |
ಕರಿಯನೇರಿ ಪೋಗುತಿರಲು ಶುನಿ ಬಗುಳುತ
ಬರುತಿರುವ ಭಯಗಳುಂಟೆ ನೋಡಾ.
ಹರನೆನ್ನ ಕರದೊಳಿರಲು ಪಂಚೇಂದ್ರಿ
ದುರಿತ ಭಯದಂಜಿಕೆಯುಂಟೆ ಗುರುವೆ? | 2 |
ದ್ಯುಮಣಿಗುರಿಯ ಭಯಗಳುಂಟೆ? ಅಷ್ಟದಳ
ಕಮಲದೊಳು ಸುಳಿವ ಹಂಸ ತಾನೆ
ಭ್ರಮರನಂತೆ ಕರಕಮಲದ ಲಿಂಗವ ತಾ
ಭ್ರಮಿಸೆರಗೆ ಭಯಗಳುಂಟೆ ಗುರುವೆ? | 3 |
ಉರಿಯುತಿರೆ ಜ್ಯೋತಿ ಗೃಹದಿ ತಮ ನಡೆದು
ಬರುವ ಭೀತಿಯುಂಟೆ ನೋಡಾ.
ಪರಂಜ್ಯೋತಿರ್ಲಿಂಗಯೆನ್ನ ಅಂಗಾಕಾರದೆ
ಇರೆ ಮಾಯದ ಭೀತಿಯುಂಟೆ ಗುರುವೆ? | 4 |
ಉರಗ ಮುಟ್ಟಲು ಓರ್ವನ ತನು ವಿಷದಿ
ಭರಿತವಾದಂತೆ ಶರಣ
ಶರೀರವನು ಸೊಮ್ಮು ಸೋಂಕಿ
ಸರ್ವಾಂಗ ಕಾರಣಲಿಂಗವಾಗೆ ಭಯವೆ ಗುರುವೆ? |5 |
ಅಗಲದೆ ಸರ್ವಾಂಗದಿ ಭರಿತವಾದಂತೆ ಶರಣ ಶಿವಲಿಂಗ
ಝಗಝಗಿಸುತಿದೆ ಕೋಯೆಂದು ನುಡಿದು
ಪೊಗಳ್ದ ಹೇಮಗಲ್ಲ ಹಂಪ ಪಡುವಿಡಿಯ
ಬಗೆಯ ಗುರು ರಾಚನಿರವು ತಾನೆ | 6 ]
Transliteration Karasthalada liṅga kaisēri iru
tiralan'ya bhayagaḷuṇṭe guruve?
Kaṇṭhīra[va]niha vanadoḷu kariyabhaya
vuṇṭē innā teradoḷu
baṇṭāyudhavire karadoḷu sūjiya moneya
tuṇṭakada bhayagaḷuṇṭe gurave? | 1 |
Kariyanēri pōgutiralu śuni baguḷuta
barutiruva bhayagaḷuṇṭe nōḍā.
Haranenna karadoḷiralu pan̄cēndri
durita bhayadan̄jikeyuṇṭe guruve? | 2 |Dyumaṇiguriya bhayagaḷuṇṭe? Aṣṭadaḷa
kamaladoḷu suḷiva hansa tāne
bhramaranante karakamalada liṅgava tā
bhramiserage bhayagaḷuṇṭe guruve? | 3 |
Uriyutire jyōti gr̥hadi tama naḍedu
baruva bhītiyuṇṭe nōḍā.
Paran̄jyōtirliṅgayenna aṅgākārade
ire māyada bhītiyuṇṭe guruve? | 4 |Uraga muṭṭalu ōrvana tanu viṣadi
bharitavādante śaraṇa
śarīravanu som'mu sōṅki
sarvāṅga kāraṇaliṅgavāge bhayave guruve? |5 |
Agalade sarvāṅgadi bharitavādante śaraṇa śivaliṅga
jhagajhagisutide kōyendu nuḍidu
pogaḷda hēmagalla hampa paḍuviḍiya
bageya guru rācaniravu tāne | 6]
