ಶ್ರೀಪಂಚಾಕ್ಷರಿಯ ಮೂಲದ ಹೊಲಬ ತಿಳಿಯಬಲ್ಲಾತನೆ
ವೇದಾಂತವ ಬಲ್ಲಾತನೆಂಬೆ.
ಶ್ರೀಪಂಚಾಕ್ಷರಿಯ ಮೂಲದ ಹೊಲಬ ತಿಳಿಯಬಲ್ಲಾತನೆ
ಸಿದ್ಧಾಂತವ ಬಲ್ಲಾತನೆಂಬೆ.
ಶ್ರೀಪಂಚಾಕ್ಷರಿಯ ಮೂಲವ ಬಲ್ಲಾತನೆ
ವೇದ ಶಾಸ್ತ್ರ ಪುರಾಣ ಆಗಮವ ಬಲ್ಲಾತನೆಂಬೆ.
ಶ್ರೀಪಂಚಾಕ್ಷರಿಯ ಧ್ಯಾನವ ಧ್ಯಾನಿಸಲರಿಯದೆ
ವೇದಾಗಮವನೋದುತ್ತಿದ್ದೆವೆಂಬ ಪಿಸುಣರ ಓದೆಲ್ಲ
ಕುಂಬಿಯ ಮೇಲೆ ಕುಳಿತು
ಒದರುವ ವಾಯಸನ ಸರಿಯೆಂಬೆನಯ್ಯಾ,
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Śrīpan̄cākṣariya mūlada holaba tiḷiyaballātane
vēdāntava ballātanembe.
Śrīpan̄cākṣariya mūlada holaba tiḷiyaballātane
sid'dhāntava ballātanembe.
Śrīpan̄cākṣariya mūlava ballātane
vēda śāstra purāṇa āgamava ballātanembe.
Śrīpan̄cākṣariya dhyānava dhyānisalariyade
vēdāgamavanōduttiddevemba pisuṇara ōdella
kumbiya mēle kuḷitu
odaruva vāyasana sariyembenayyā,
paramaguru paḍuviḍi sid'dhamallināthaprabhuve.
