ಹುಟ್ಟಿದವನಿಗೆ ಮರಣ ನಿಯಮ
ಸತ್ತವನಿಗೆ ಹಾಂಗೆಯ ಹುಟ್ಟುವುದು ನಿಯಮ.
ಜೀವನು ಜನನ ಮರಣಂಗಳಿಂದ
ಕುಲಾಲನ ತಿಗುರಿಯೋಪಾದಿಯಲ್ಲಿ ತಿರುಗುತ್ತಿರುವುನು.
ಬಳಿಕ ನಾರಾಯಣಂ ಬಂದ ಜನನ ಮರಣಂಗಳಂ ಪೇಳ್ವನದೆಂತೆನೆ:
ಮತ್ಸ್ಯ ಕೂರ್ಮ ವರಾಹವತಾರಂಗಳಿಂದೆ
ನೃಸಿಂಹ ವಾಮನಾವತಾರ ಮೊದಲಾಗುಳ್ಳ
ಪರಶುರಾಮ ಶ್ರೀರಾಮ ಬಲರಾಮ ಕೃಷ್ಣ ಕಲ್ಕ್ಯಾವತಾರಂಗಳಿಂದ
ಹುಟ್ಟುತ್ತಿರ್ದ ವಿಷ್ಣುವಿಗಾದರೂ ಜನನ ಮರಣ ತಪ್ಪಲಿಲ್ಲ,
ಉಳಿದ ದೇವದಾನವ ಮಾನವಾದಿಗಳಿಗೆ
ಜನನ ಮರಣ ಹಿಂಗದೆಂಬುದರ್ಥವಯ್ಯ
ಶಾಂತವೀರೇಶ್ವರಾ
Transliteration Huṭṭidavanige maraṇa niyama
sattavanige hāṅgeya huṭṭuvudu niyama.
Jīvanu janana maraṇaṅgaḷinda
kulālana tiguriyōpādiyalli tiruguttiruvunu.
Baḷika nārāyaṇaṁ banda janana maraṇaṅgaḷaṁ pēḷvanadentene:
Matsya kūrma varāhavatāraṅgaḷinde
nr̥sinha vāmanāvatāra modalāguḷḷa
paraśurāma śrīrāma balarāma kr̥ṣṇa kalkyāvatāraṅgaḷinda
huṭṭuttirda viṣṇuvigādarū janana maraṇa tappalilla,
uḷida dēvadānava mānavādigaḷige
janana maraṇa hiṅgadembudarthavayya
śāntavīrēśvarā
