ಒರತೆಯ ನೀರ ಕುಡಿದರೇನು ಶೀಲವಂತನಾಗುವನೆ?
ಮಲತ್ರಯವ ಜ್ಞಾನೋದಕದಿಂದ ತೊಳೆದರೆ ಶೀಲವಂತ
ಕಾಡಗಟ್ಟೆಯ ನೀರು ಕುಡಿದರೇನು ಶೀಲವಂತನೆ? ಅಲ್ಲ;
ಕರಣೇಂದ್ರಿಯಂಗಳಲ್ಲಿ ಸಂಬಂಧವನರಿದೊಡೆ ಶೀಲವಂತ.
ಉಳ್ಳಿ ನುಗ್ಗಿಯ ಬಿಟ್ಟರೇನು ಶೀಲವಂತನೆ?
ಅಷ್ಟಮದಂಗಳ ದುರ್ವಾಸನೆಯನಳಿದೊಡೆ ಶೀಲವಂತ.
ಸಪ್ಪೆಯನುಂಡರೆ ಶೀಲವಂತನೆ?
ಸ್ತ್ರೀಸಂಗವ ಬಿಟ್ಟರೆ ಶೀಲವಂತ.
ಅನ್ಯ ಭಕ್ತಪವಾದವ ಲಾಂಛನದ ಮೇಲೆ ನುಡಿಯದೆ,
ಸತ್ಯ ಸದಾಚಾರಿಯಾಗಿ ಗುರುಲಿಂಗ
ಜಂಗಮವೆ ಸಾಕ್ಷಾತ್ ಶಿವನೆಂದರಿದು,
ತ್ರಿವಿಧದಲ್ಲಿ ವಂಚನೆಯಿಲ್ಲದಿದ್ಧರೆ ಶೀಲವಂತನಯ್ಯ
ಶಾಂತವೀರೇಶ್ವರಾ
Transliteration Orateya nīra kuḍidarēnu śīlavantanāguvane?
Malatrayava jñānōdakadinda toḷedare śīlavanta
kāḍagaṭṭeya nīru kuḍidarēnu śīlavantane? Alla;
karaṇēndriyaṅgaḷalli sambandhavanaridoḍe śīlavanta.
Uḷḷi nuggiya biṭṭarēnu śīlavantane?
Aṣṭamadaṅgaḷa durvāsaneyanaḷidoḍe śīlavanta.
Sappeyanuṇḍare śīlavantane?
Strīsaṅgava biṭṭare śīlavanta.
An'ya bhaktapavādava lān̄chanada mēle nuḍiyade,
satya sadācāriyāgi guruliṅga
jaṅgamave sākṣāt śivanendaridu,
trividhadalli van̄caneyilladid'dhare śīlavantanayya
śāntavīrēśvarā
