ಅಂಗೈಯ ಲಿಂಗವ ಕಂಗಳು ತುಂಬಿ ನೋಡಿ ಮನ ಹಾರೈಸಿದಲ್ಲಿ

ಅಂಗೈಯ ಲಿಂಗವ ಕಂಗಳು ತುಂಬಿ ನೋಡಿ ಮನ ಹಾರೈಸಿದಲ್ಲಿ ಅಂಗೇಂದ್ರಿಯಂಗಳೆಲ್ಲ ಲಿಂಗೇಂದ್ರಿಯಂಗಳಾದವು. ಅಂಜದಿರು ಮನವೇ, ಲಿಂಗವು ನಿನಗೆ ದೂರನೆಂದು. ಮನೋಮಧ್ಯದೊಳಿಪ್ಪ, ಅಂಗದ ಕಂಗಳಲಿಪ್ಪ, ಭಾವದ ಪ್ರಾಣದಲ್ಲಿಪ್ಪ. ಅಂಗಪ್ರಾಣಭಾವ ಸರ್ವಾಂಗಲಿಂಗವಾದ ಬಳಿಕ, ಲಿಂಗಮಧ್ಯಪ್ರಾಣ, ಪ್ರಾಣಮಧ್ಯಲಿಂಗ. ಇದು ಕಾರಣ ಉತ್ಪತ್ತಿಸ್ಥಿತಿಲಯವುಂಟೆಂದು ಅಂಜದಿರು. ಅಂಜಿಕೆ ಇಲ್ಲ, ಅಳುಕಿಲ್ಲ, ಬಂದುದೇ ಲಿಂಗದ ಲೀಲೆ, ಇದ್ದುದೇ ಲಿಂಗದಾನಂದ, ಭಾವಲೀಯವಾದುದೇ ಲಿಂಗನಿರವಯವು. ಇದು ಸತ್ಯ, ಶಿವ ಬಲ್ಲ, ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರ.

Transliteration Aṅgaiya liṅgava kaṅgaḷu tumbi nōḍi mana hāraisidalli aṅgēndriyaṅgaḷella liṅgēndriyaṅgaḷādavu. An̄jadiru manavē, liṅgavu ninage dūranendu. Manōmadhyadoḷippa, aṅgada kaṅgaḷalippa, bhāvada prāṇadallippa. Aṅgaprāṇabhāva sarvāṅgaliṅgavāda baḷika, liṅgamadhyaprāṇa, prāṇamadhyaliṅga. Idu kāraṇa utpattisthitilayavuṇṭendu an̄jadiru. An̄jike illa, aḷukilla, bandudē liṅgada līle, iddudē liṅgadānanda, bhāvalīyavādudē liṅganiravayavu. Idu satya, śiva balla, uriliṅgapeddipriya viśvēśvara.

ಪ್ರತಿಕ್ರಿಯೆಗಳು / Comments