ಉರಿಲಿಂಗಪೆದ್ದಿ   
  •  
  •  
  •  
  •  


Index   ವಚನ - 64    Search  
 
ಎನ್ನಂಗದಲ್ಲಿ ನಿನಗೆ ಮಜ್ಜನ, ಎನ್ನ ಲಲಾಟದಲ್ಲಿ ನಿನಗೆ ಗಂಧಾಕ್ಷತೆ, ಎನ್ನ ತುರುಬಿನಲ್ಲಿ ನಿನಗೆ ಕುಸುಮಪೂಜೆ. ಎನ್ನ ನೇತ್ರದಲ್ಲಿ ನಿನಗೆ ನಾನಾರೂಪು ವಿಚಿತ್ರವಿನೋದ, ಎನ್ನ ಶ್ರೋತ್ರದಲ್ಲಿ ನಿನಗೆ ಪಂಚಮಹಾವಾದ್ಯ ಕೇಳಿಕೆ, ಎನ್ನ ನಾಸಿಕದಲ್ಲಿ ನಿನಗೆ ಸುಗಂಧ, ಧೂಪಪರಿಮಳ, ಎನ್ನ ಜಿಹ್ವೆಯಲ್ಲಿ ನಿನಗೆ ಷಡ್ರಸಾನ್ನನೈವೇದ್ಯ, ಎನ್ನ ತ್ವಕ್ಕಿನಲ್ಲಿ ನಿನಗೆ ವಸ್ತ್ರಾಭರಣಾಲಂಕಾರಪೂಜೆ, ಎನ್ನ ಸಚ್ಚಿದಾನಂದ ಸಜ್ಜೆಗೃಹದಲ್ಲಿ ನೀನು ಸ್ಪರ್ಶನಂಗೆಯ್ದು ನೆರೆದಿಪ್ಪೆಯಾಗಿ ನೀ ನಾನೆಂಬೆರಡಳಿದು ತಾನು ತಾನಾದ ಘನವನೇನೆಂಬೆನು ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Ennaṅgadalli ninage majjana, enna lalāṭadalli ninage gandhākṣate, enna turubinalli ninage kusumapūje. Enna nētradalli ninage nānārūpu vicitravinōda, enna śrōtradalli ninage pan̄camahāvādya kēḷike, enna nāsikadalli ninage sugandha, dhūpaparimaḷa, enna jihveyalli ninage ṣaḍrasānnanaivēdya, enna tvakkinalli ninage vastrābharaṇālaṅkārapūje, enna saccidānanda sajjegr̥hadalli nīnu sparśanaṅgeydu neredippeyāgi nī nānemberaḍaḷidu tānu tānāda ghanavanēnembenu uriliṅgapeddipriya viśvēśvarā