ಶಿವ ಶಿವಾ, ನೀನೆನ್ನ ಮನವ ನೋಡಿಹೆನೆಂಬೆ.

ಶಿವ ಶಿವಾ, ನೀನೆನ್ನ ಮನವ ನೋಡಿಹೆನೆಂಬೆ. ಎನ್ನ ಗುಣಾವಗುಣವ ಹಿಡಿವೆ. ಮನವಾರು? ನೀನಾರು? ಎಂಬುದನರಿಯಾ. ನೀನರಿಯದಿದ್ದಡೆ ನಾನರಿಯೆನೆ? ನಾನರಿಯದಿದ್ದಡೆ ನೀನರಿಯಾ? ಎಂದೆನಗೆ ನೀನು ಪ್ರಾಣಲಿಂಗವಾದೆ, ಅಂದೇ ಲಿಂಗಪ್ರಾಣಿಯಾದೆನು ನಾನು. ಇನ್ನು ಮನಸಿನ್ನಾರದು ಹೇಳಾ? ಅದು ಕಾರಣ ದ್ವಂದ್ವಕರ್ಮ ಮುನ್ನವೇ ನಾಸ್ತಿ. ಇದನು ಶ್ರೀಗುರು ಲಿಂಗ ಜಂಗಮದ ಪ್ರಸಾದವೆಂದ ಶಾಸ್ತ್ರಪುರಾಣಾಗಮಂಗಳು ಈಸಬಲ್ಲುದ ನಾ ತೋರಲೇಕಯ್ಯಾ, ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ?

Transliteration Śiva śivā, nīnenna manava nōḍ'̔ihenembe. Enna guṇāvaguṇava hiḍive. Manavāru? Nīnāru? Embudanariyā. Nīnariyadiddaḍe nānariyene? Nānariyadiddaḍe nīnariyā? Endenage nīnu prāṇaliṅgavāde, andē liṅgaprāṇiyādenu nānu. Innu manasinnāradu hēḷā? Adu kāraṇa dvandvakarma munnavē nāsti. Idanu śrīguru liṅga jaṅgamada prasādavenda śāstrapurāṇāgamaṅgaḷu īsaballuda nā tōralēkayyā, uriliṅgapeddipriya viśvēśvarā?

ಪ್ರತಿಕ್ರಿಯೆಗಳು / Comments