ಹಸಿವು ತೃಷೆ ವಿಷಯ ಕಾಮ ಕ್ರೋಧ ಲೋಭ
ಮೋಹ ಮದ ಮತ್ಸರವಾದಿಯಾದ ತನುಗುಣಂಗಳು
ದೇವ ದಾನವ ಮಾನವರಂತೆ ಆದಡೆ,
ಲಿಂಗವಂತನೆಂಬ ಪರಿಯೆಂತಯ್ಯಾ?
ತನುಗುಣಂಗಳು ಭೂತದೇಹಿಗಳಂತಾದಡೆ
ಲಿಂಗದೇಹಿಕನೆಂಬ ಪರಿಯೆಂತಯ್ಯಾ?
ಲಿಂಗಚಿಹ್ನೆವಿಲ್ಲದಡೆ ಲಿಂಗದೇಹಿಯೆಂಬ ಪರಿಯೆಂತಯ್ಯಾ?
ಹಸಿವು ತೃಷೆ ವಿಷಯ ವ್ಯಸನವಡಗಿದಡೆ ಲಿಂಗಚಿಹ್ನೆ.
ಕ್ರೋಧ ಲೋಭ ಮೋಹ ಮದ ಮತ್ಸರ
ಇವಾದಿಯಾದ ದೇಹಗುಣಂಗಳಳಿದಡೆ ಲಿಂಗಚಿಹ್ನೆ.
ದೇಹಗುಣಭರಿತನಾಗಿ ಲಿಂಗದೇಹಿ ಎಂದಡೆ,
ಲಿಂಗವಂತರು ನಗುವರಯ್ಯಾ.
ಅಂಗಗುಣವಳಿದು ಗುರುಲಿಂಗಜಂಗಮದಲ್ಲಿ
ತನು ಮನ ಧನ ಲೀಯವಾದಡೆ
ಆತನು ಸರ್ವಾಂಗಲಿಂಗಿಯಯ್ಯಾ,
ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Transliteration Hasivu tr̥ṣe viṣaya kāma krōdha lōbha
mōha mada matsaravādiyāda tanuguṇaṅgaḷu
dēva dānava mānavarante ādaḍe,
liṅgavantanemba pariyentayyā?
Tanuguṇaṅgaḷu bhūtadēhigaḷantādaḍe
liṅgadēhikanemba pariyentayyā?
Liṅgacihnevilladaḍe liṅgadēhiyemba pariyentayyā?
Hasivu tr̥ṣe viṣaya vyasanavaḍagidaḍe liṅgacihne.
Krōdha lōbha mōha mada matsara
ivādiyāda dēhaguṇaṅgaḷaḷidaḍe liṅgacihne.
Dēhaguṇabharitanāgi liṅgadēhi endaḍe,
liṅgavantaru naguvarayyā.
Aṅgaguṇavaḷidu guruliṅgajaṅgamadalli
tanu mana dhana līyavādaḍe
ātanu sarvāṅgaliṅgiyayyā,
uriliṅgapeddipriya viśvēśvarā.
