ಚನ್ನಬಸವಣ್ಣ   
  •  
  •  
  •  
  •  


Index   ವಚನ - 1183    Search  
 
ಗುರುಜಂಗಮದ ಪಾದತೀರ್ಥವು ಲಿಂಗಾಭಿಷೇಕಕ್ಕೆ ಸಲ್ಲದೆಂಬ ಮಂದಮತಿಗಳು ನೀವು ಕೇಳಿರೊ. ಮಂತ್ರಸಂಸ್ಕಾರದಿಂದ ಜಡಶಿಲೆ ಲಿಂಗವಾಗುತ್ತಿರ್ಪುದೆಂಬಿರಿ, ಆ ಮಂತ್ರಸಂಸ್ಕಾರದಿಂದ ಶಿವಾಂಶಿಕನಾದ ಮನುಷ್ಯನು ಶಿವಜ್ಞಾನಸಂಪನ್ನನಾಗಿ ಗುರುವಾಗನೆ? ಮತ್ತೆ ಜಂಗಮವಾಗನೆ? ಹೇಳಿರೆ. ಸಂಸ್ಕಾರದಿಂದಾದ ಲಿಂಗಕ್ಕೆ ಸಂಸ್ಕಾರವಿಲ್ಲದ ಮನುಷ್ಯನ ಪಾದಜಲವು ಸಲ್ಲದೆಂದಡೆ ಅದು ಸಹಜವೆಂಬೆನು. ಸಂಸ್ಕಾರ ವಿಶಿಷ್ಟವಾದ ಲಿಂಗಕ್ಕೆಯೂ, ಜಂಗಮಕ್ಕೆಯೂ ಅಭೇದವೆಂಬುದನು ಆಗಮೋಕ್ತಿ `ಪದೋದಾದಭಿಷೇಚನಂ' ಎಂದು ಸಾರುತ್ತಿಹುದು ಕಾಣಿರೊ! ಇದು ಕಾರಣ- ಅಂತಪ್ಪ ಗುರುಜಂಗಮದ ಪಾದತೀರ್ಥವು ಅಯೋಗ್ಯವೆಂದಡೆ ನಮ್ಮ ಕೂಡಲಚೆನ್ನಸಂಗಯ್ಯನ ವಚನವ ನಿರಾಕರಿಸಿದಂತಕ್ಕು ಕಾಣಿರೊ.
Transliteration Gurujaṅgamada pādatīrthavu liṅgābhiṣēkakke sallademba mandamatigaḷu nīvu kēḷiro. Mantrasanskāradinda jaḍaśile liṅgavāguttirpudembiri, ā mantrasanskāradinda śivānśikanāda manuṣyanu śivajñānasampannanāgi guruvāgane? Matte jaṅgamavāgane? Hēḷire. Sanskāradindāda liṅgakke sanskāravillada manuṣyana pādajalavu salladendaḍe adu sahajavembenu. Sanskāra viśiṣṭavāda liṅgakkeyū, jaṅgamakkeyū abhēdavembudanu āgamōkti `padōdādabhiṣēcanaṁ' endu sāruttihudu kāṇiro! Idu kāraṇa- antappa gurujaṅgamada pādatīrthavu ayōgyavendaḍe nam'ma kūḍalacennasaṅgayyana vacanava nirākarisidantakku kāṇiro.