ಅಂಗವುಂಟಾದಲ್ಲಿ ಲಿಂಗವನರಿಯಬೇಕು.
ಲಿಂಗವುಂಟಾದಲ್ಲಿ ಚೇತನ ಭೂತಹಿತವನರಿಯಬೇಕು.
ಆ ಅರಿವು ನೆಲೆಗೊಂಡಲ್ಲಿ ಒಳಗು ಹೊರಗು ವಿಚಾರಿಸಲಿಲ್ಲ.
ಮಹಾರ್ಣವ ಬಲುಜಲವನಿಂಬಿಟ್ಟುಕೊಂಡಂತೆ.
ಶರಣಸತಿಯಲ್ಲಿ ಲಿಂಗಕುಲದಲ್ಲಿ
ಜಂಗಮಪದದಲ್ಲಿ ಗುರುಸ್ಥಲದಲ್ಲಿ
ಕಂಗಳ ಮುಂದೆ ಮಹೇಂದ್ರಜಾಲ ನಿಂದಂತೆ,
ನಿಂದ ನಿಲವೆ ಸದ್ಭಕ್ತನಿರವು;
ಕಾಲಾಂತಕ ಭೀಮೇಶ್ವರಲಿಂಗದ ನಿಜವಾಸದ ಬೆಳಗು.
Transliteration Aṅgavuṇṭādalli liṅgavanariyabēku.
Liṅgavuṇṭādalli cētana bhūtahitavanariyabēku.
Ā arivu nelegoṇḍalli oḷagu horagu vicārisalilla.
Mahārṇava balujalavanimbiṭṭukoṇḍante.
Śaraṇasatiyalli liṅgakuladalli
jaṅgamapadadalli gurusthaladalli
kaṅgaḷa munde mahēndrajāla nindante,
ninda nilave sadbhaktaniravu;
kālāntaka bhīmēśvaraliṅgada nijavāsada beḷagu.
