ಬ್ರಹ್ಮಂಗೆ ಸರಸ್ವತಿಯಾಗಿ ಬೆನ್ನಲ್ಲಿ ಬಂದಳು ಮಾಯೆ.
ವಿಷ್ಣುವಿಂಗೆ ಲಕ್ಷ್ಮಿಯಾಗಿ ಭವಕ್ಕೆ ತಿರುಗಿದಳು ಮಾಯೆ.
ರುದ್ರಂಗೆ ಉಮಾದೇವಿಯಾಗಿ ಶಿರ ತೊಡೆಯಲ್ಲಿ
ಕಾಡಿದಳು ಮಾಯೆ.
ಎಳ್ಳಿಗೆ ಎಣ್ಣೆ, ಮುಳ್ಳಿಗೆ ಮೊನೆಯಾಗಿ,
ಹೂವಿಗೆ ಗಂಧವಾಗಿ,
ಅವರವರಂಗದಲ್ಲಿ ಹಿಂಗದ ಪ್ರತಿರೂಪಾಗಿ
ಸಂದಿಲ್ಲದೆ ಕಾಡುತ್ತಿದ್ದಾಳೆ ಮಾಯೆ.
ಢಕ್ಕೆಯ ಉಲುಹಡಗುವುದಕ್ಕೆ ಮುನ್ನವೆ ನಿಶ್ಚಯಿಸಿಕೊಳ್ಳಿ,
ಕಾಲಾಂತಕ ಭೀಮೇಶ್ವರಲಿಂಗವನರಿಯಬಲ್ಲಡೆ.
Transliteration Brahmaṅge sarasvatiyāgi bennalli bandaḷu māye.
Viṣṇuviṅge lakṣmiyāgi bhavakke tirugidaḷu māye.
Rudraṅge umādēviyāgi śira toḍeyalli
kāḍidaḷu māye.
Eḷḷige eṇṇe, muḷḷige moneyāgi,
hūvige gandhavāgi,
avaravaraṅgadalli hiṅgada pratirūpāgi
sandillade kāḍuttiddāḷe māye.
Ḍhakkeya uluhaḍaguvudakke munnave niścayisikoḷḷi,
kālāntaka bhīmēśvaraliṅgavanariyaballaḍe.
