ಇನ್ನು ಆ ಪಿಂಡಮಧ್ಯದಲ್ಲಿಹ ಷಡುಚಕ್ರಂಗಳೊಳು
ಸಪ್ತಕೋಟಿ ಮಹಾಮಂತ್ರಂಗಳ ಸಾರವಾದ ಏಕಾದಶಮಂತ್ರಂಗಳು,
ತೊಂಬತ್ನಾಲ್ಕು ವ್ಯೋಮವ್ಯಾಪಿ ಪದಂಗಳು,
ಪ್ರಣವ ಪಂಚಾಕ್ಷರಂ, ಅಕಾರಾದಿ ಕ್ಷಕಾರಾಂತವಾದ
ಐವತ್ತಾರು ವರ್ಣಂಗಳು, ಇನ್ನೂರಿಪ್ಪತ್ನಾಲ್ಕು ಭುವನಂಗಳು,
ಮೂವತ್ತಾರು ತತ್ವಂಗಳು ಪಂಚಕಲೆಗಳು ಮೊದಲಾದ
ಕಲೆ ಜ್ಞಾನಂಗಳೆಲ್ಲ ಆ ಪಿಂಡಮಧ್ಯದಲ್ಲಿಹ
ಚಕ್ರಂಗಳಲ್ಲಿ ನ್ಯಾಸವಾಗಿಹುದು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Innu ā piṇḍamadhyadalliha ṣaḍucakraṅgaḷoḷu
saptakōṭi mahāmantraṅgaḷa sāravāda ēkādaśamantraṅgaḷu,
tombatnālku vyōmavyāpi padaṅgaḷu,
praṇava pan̄cākṣaraṁ, akārādi kṣakārāntavāda
aivattāru varṇaṅgaḷu, innūrippatnālku bhuvanaṅgaḷu,
mūvattāru tatvaṅgaḷu pan̄cakalegaḷu modalāda
kale jñānaṅgaḷella ā piṇḍamadhyadalliha
cakraṅgaḷalli n'yāsavāgihudu nōḍā
apramāṇakūḍalasaṅgamadēvā.
