ಆದಿಮೂಲ ಅನಾದಿಮೂಲವಿಲ್ಲದಂದು,
ಅಜಾಂಡ ಬ್ರಹ್ಮಾಂಡವಿಲ್ಲದಂದು, ವೇದಾಂತ ಸಿದ್ಧಾಂತವಿಲ್ಲದಂದು,
ವ್ಯೋಮ ವ್ಯೋಮಾಕಾಶವಿಲ್ಲದಂದು,
ಜೀವಹಂಸ ಪರಮಹಂಸರಿಲ್ಲದಂದು, ಅಜಪೆ ಗಾಯತ್ರಿ ಇಲ್ಲದಂದು,
ಅನಂತಕೋಟಿ ವೇದಾಗಮ ಶಾಸ್ತ್ರಪುರಾಣಂಗಳಿಲ್ಲದಂದು,
ಭಾವ ನಿರ್ಭಾವವಿಲ್ಲದಂದು, ಶೂನ್ಯ ನಿಶ್ಶೂನ್ಯವಿಲ್ಲದಂದು,
ಅವಾಚ್ಯಪ್ರಣವವಾಗಿದ್ದನಯ್ಯಾ ಇಲ್ಲದಂತೆ,
ನಮ್ಮ ಅಪ್ರಮಾಣಕೂಡಲಸಂಗಮದೇವನು.
Transliteration Ādimūla anādimūlavilladandu,
ajāṇḍa brahmāṇḍavilladandu, vēdānta sid'dhāntavilladandu,
vyōma vyōmākāśavilladandu,
jīvahansa paramahansarilladandu, ajape gāyatri illadandu,
anantakōṭi vēdāgama śāstrapurāṇaṅgaḷilladandu,
bhāva nirbhāvavilladandu, śūn'ya niśśūn'yavilladandu,
avācyapraṇavavāgiddanayyā illadante,
nam'ma apramāṇakūḍalasaṅgamadēvanu.
