ಇನ್ನು ಬೀಜಾಕ್ಷರಂಗಳ ನೆಲೆ ಅದೆಂತೆಂದಡೆ:
ಆ ಗೋಳಕಾಕಾರ ಪ್ರಣವದಲ್ಲಿ
ಪ್ರಣವ ಉತ್ಪತ್ಯವಾಗಿ ಆಜ್ಞಾಚಕ್ರಕ್ಕೆ ಬೀಜಾಕ್ಷರವಾಗಿಹುದು.
ಆ ಪ್ರಣವದ ದರ್ಪಣಾಕಾರದಲ್ಲಿಹ
ಯಕಾರದಲ್ಲಿ ಯಕಾರ ಉತ್ಪತ್ಯವಾಗಿ
ವಿಶುದ್ಧಿಚಕ್ರಕ್ಕೆ ಬೀಜಾಕ್ಷರವಾಗಿಹುದು.
ಆ ಪ್ರಣವದ ಅರ್ಧಚಂದ್ರಕದಲ್ಲಿಹ
ವಕಾರದಲ್ಲಿ ವಕಾರ ಉತ್ಪತ್ಯವಾಗಿ
ಅನಾಹತಚಕ್ರಕ್ಕೆ ಬೀಜಾಕ್ಷರವಾಗಿಹುದು.
ಆ ಪ್ರಣವದ ಕುಂಡಲಾಕಾರದಲ್ಲಿಹ
ಶಿಕಾರದಲ್ಲಿ ಶಿಕಾರ ಉತ್ಪತ್ಯವಾಗಿ
ಮಣಿಪೂರಕಚಕ್ರಕ್ಕೆ ಬೀಜಾಕ್ಷರವಾಗಿಹುದು.
ಆ ಪ್ರಣವದ ದಂಡಕಸ್ವರೂಪದಲ್ಲಿಹ
ಮಕಾರದಲ್ಲಿ ಮಕಾರ ಉತ್ಪತ್ಯವಾಗಿ
ಸ್ವಾಧಿಷ್ಠಾನಚಕ್ರಕ್ಕೆ ಬೀಜಾಕ್ಷರವಾಗಿಹುದು.
ಆ ಪ್ರಣವದ ತಾರಕಸ್ವರೂಪದಲ್ಲಿಹ
ನಕಾರದಲ್ಲಿ ನಕಾರ ಉತ್ಪತ್ಯವಾಗಿ
ಆಧಾರಚಕ್ರಕ್ಕೆ ಬೀಜಾಕ್ಷರವಾಗಿಹುದು ನೋಡಾ.
ಇದಕ್ಕೆ ಈಶ್ವರ ಉವಾಚ:
ಆಧಾರೇ ಚ ನಕಾರಂ ಚ ಸ್ವಾಧಿಷ್ಠಾನೇ ಮಕಾರಕೇ |
ಶಿಕಾರಂ ಮಣಿಪೂರಂ ಚ ವಕಾರಂ ಚ ಅನಾಹತೇ |
ಯಕಾರಂ ಚ ವಿಶುದ್ಧಿಶ್ಚ ಆಜ್ಞಾ ಪ್ರಣವ ಏವ ಚ ||''
ಇಂತೆಂದುದಾಗಿ, ಅಪ್ರಮಾಣಕೂಡಲಸಂಗಮದೇವಾ.
Transliteration Innu bījākṣaraṅgaḷa nele adentendaḍe:
Ā gōḷakākāra praṇavadalli
praṇava utpatyavāgi ājñācakrakke bījākṣaravāgihudu.
Ā praṇavada darpaṇākāradalliha
yakāradalli yakāra utpatyavāgi
viśud'dhicakrakke bījākṣaravāgihudu.
Ā praṇavada ardhacandrakadalliha
vakāradalli vakāra utpatyavāgi
anāhatacakrakke bījākṣaravāgihudu.
Ā praṇavada kuṇḍalākāradalliha
Śikāradalli śikāra utpatyavāgi
maṇipūrakacakrakke bījākṣaravāgihudu.
Ā praṇavada daṇḍakasvarūpadalliha
makāradalli makāra utpatyavāgi
svādhiṣṭhānacakrakke bījākṣaravāgihudu.
Ā praṇavada tārakasvarūpadalliha
nakāradalli nakāra utpatyavāgi
ādhāracakrakke bījākṣaravāgihudu nōḍā.
Idakke īśvara uvāca:
Ādhārē ca nakāraṁ ca svādhiṣṭhānē makārakē |
śikāraṁ maṇipūraṁ ca vakāraṁ ca anāhatē |
yakāraṁ ca viśud'dhiśca ājñā praṇava ēva ca ||''
intendudāgi, apramāṇakūḍalasaṅgamadēvā.
