ಇಡೆಯಲ್ಲಿ ಸುಳಿವ ವಾಯುವ ಸ್ವೀಕರಿಸಿ ನಿಜವನರಿಯದೆ
ಕೆಟ್ಟವರು ಕೋಟಾನುಕೋಟಿ.
ಪಿಂಗಳೆಯಲ್ಲಿ ಸುಳಿವ ವಾಯುವ ಸ್ವೀಕರಿಸಿ ನಿಜವನರಿಯದೆ
ಕೆಟ್ಟವರು ಕೋಟಾನುಕೋಟಿ.
ಸುಷಮ್ನನಾಳದಲ್ಲಿ ಸುಳಿವ ವಾಯುವ ಸ್ವೀಕರಿಸಿ
ನಿಜವನರಿಯದೆ ಕೆಟ್ಟವರು ಕೋಟಾನುಕೋಟಿ.
ಅಲ್ಲಿಂದತ್ತತ್ತಲಾದ ಮಹಾಘನಲಿಂಗವನರಿಯದೆ
ಕೆಟ್ಟವರು ಕೋಟಾನುಕೋಟಿ.
ಅಪ್ರಮಾಣಕೂಡಲಸಂಗಮದೇವಯ್ಯನ
ನಿಲವ ತಾನೆಂದರಿಯದೆ
ಕೆಟ್ಟ ವೇಷಡಂಭಕರ ನಾನೇನೆಂಬೆನಯ್ಯಾ?
Transliteration Iḍeyalli suḷiva vāyuva svīkarisi nijavanariyade
keṭṭavaru kōṭānukōṭi.
Piṅgaḷeyalli suḷiva vāyuva svīkarisi nijavanariyade
keṭṭavaru kōṭānukōṭi.
Suṣamnanāḷadalli suḷiva vāyuva svīkarisi
nijavanariyade keṭṭavaru kōṭānukōṭi.
Allindattattalāda mahāghanaliṅgavanariyade
keṭṭavaru kōṭānukōṭi.
Apramāṇakūḍalasaṅgamadēvayyana
nilava tānendariyade
keṭṭa vēṣaḍambhakara nānēnembenayyā?
