ಅಕಾರ ಉಕಾರ ಮಕಾರವನರಿಯದೆ,
ಅಕಾರದೊಳಗೆ ಅಕಾರವನರಿಯರು,
ಅಕಾರದೊಳಗೆ ಉಕಾರವನರಿಯರು,
ಅಕಾರದೊಳಗೆ ಮಕಾರವನರಿಯರು,
ಅಕಾರದೊಳಗೆ ಒಂಕಾರವನರಿಯರು.
ಅಕಾರದೊಳಗೆ ನಿರಾಳ ನಿರಂಜನ ನಿರಾಮಯ
ನಿರಾಮಯಾತೀತವನರಿಯದೆ
ಹೊನ್ನು ಹೆಣ್ಣು ಮಣ್ಣೆಂಬ ತ್ರಿವಿಧಪದಾರ್ಥದಲ್ಲಿ ಬದ್ದರಾಗಿ,
ಗುರುಲಿಂಗಜಂಗಮವೆಂದು ಸುಳಿದಡೆ
ರೌರವನರಕವೆಂದುದು ನೋಡಾ.
ಇದಕ್ಕೆ ವೀರಾಗಮೇ:
ಜಂಗಮಶ್ಚ ಗುರೂಣಾಂಚ ಕಾಮಿನೀ ವಿತ್ತಬದ್ಧಯೋಃ |
ದ್ವಿವಿಧಂ ನರಕಂ ಯಾಂತಿ ಯಾವಚ್ಚಂದ್ರದಿವಾಕರಂ ||''
ಎಂದುದಾಗಿ,
ಇದನರಿದು ತ್ರಿವಿಧವನತಿಗಳದು
ಮನ ಮಹಾಘನದಲ್ಲಿ ಲೀಯವಾಗಿ
ಸುಳಿವ ಮಹಾಸುಳಿವಿಂಗೆ
ನಮೋ ನಮೋ ಎಂಬೆನು ಕಾಣಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Akāra ukāra makāravanariyade,
akāradoḷage akāravanariyaru,
akāradoḷage ukāravanariyaru,
akāradoḷage makāravanariyaru,
akāradoḷage oṅkāravanariyaru.
Akāradoḷage nirāḷa niran̄jana nirāmaya
nirāmayātītavanariyade
Honnu heṇṇu maṇṇemba trividhapadārthadalli baddarāgi,
guruliṅgajaṅgamavendu suḷidaḍe
rauravanarakavendudu nōḍā.
Idakke vīrāgamē:
Jaṅgamaśca gurūṇān̄ca kāminī vittabad'dhayōḥ |
dvividhaṁ narakaṁ yānti yāvaccandradivākaraṁ ||''
endudāgi,
Idanaridu trividhavanatigaḷadu
mana mahāghanadalli līyavāgi
suḷiva mahāsuḷiviṅge
namō namō embenu kāṇā
apramāṇakūḍalasaṅgamadēvā.
