ಮಕಾರದೊಳಗೆ ಮಕಾರವನರಿಯರು
ಮಕಾರದೊಳಗೆ ಅಕಾರವನರಿಯರು
ಮಕಾರದೊಳಗೆ ಉಕಾರವನರಿಯರು
ಮಕಾರದೊಳಗೆ ಓಂಕಾರವನರಿಯರು.
ಮಕಾರದೊಳಗೆ ನಿರಾಳ ನಿರಂಜನ ನಿರಾಮಯ
ನಿರಾಮಯಾತೀತವನರಿಯದೆ
ಗುರುಲಿಂಗಜಂಗಮವೆಂದು ಸುಳಿದಡೆ
ಕುಂಭೀಪಾತಕವೆಂದು ಶ್ರುತಿಗಳು ಸಾರುತಿಹುದು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Makāradoḷage makāravanariyaru
makāradoḷage akāravanariyaru
makāradoḷage ukāravanariyaru
makāradoḷage ōṅkāravanariyaru.
Makāradoḷage nirāḷa niran̄jana nirāmaya
nirāmayātītavanariyade
guruliṅgajaṅgamavendu suḷidaḍe
kumbhīpātakavendu śrutigaḷu sārutihudu nōḍā
apramāṇakūḍalasaṅgamadēvā.
