ನಿರಂಜನ ಜಾಗ್ರದಲ್ಲಿನಿಂದಡೆ ಭಕ್ತನೆಂಬೆ.
ನಿರಂಜನ ಸ್ವಪ್ನದಲ್ಲಿನಿಂದಡೆ ಮಹೇಶ್ವರನೆಂಬೆ
ನಿರಂಜನ ಸುಷುಪ್ತಿಯಲ್ಲಿ ನಿಂದಡೆ ಪ್ರಸಾದಿಯೆಂಬೆ.
ನಿರಂಜನ ತೂರ್ಯದಲ್ಲಿ ನಿಂದಡೆ ಪ್ರಾಣಲಿಂಗಿಯೆಂಬೆ.
ನಿರಂಜನ ವ್ಯೋಮದಲ್ಲಿ ನಿಂದಡೆ ಶರಣನೆಂಬೆ.
ನಿರಂಜನ ವ್ಯೋಮಾತೀತದಲ್ಲಿ ನಿಂದಡೆ ಐಕ್ಯನೆಂಬೆ.
ನಿರಂಜನ ವ್ಯೋಮಾತೀತಕತ್ತತ್ತವಾಗಿಹ ಮಹಾಘನ
ನಿರ್ವಾಣಾತೀತವೆ ಅಂಗವಾದ
ಮಹಾಶರಣಂಗೆ ಭವಹಿಂಗಿತ್ತಾಗಿ,
ಅವರ ಶ್ರೀಪಾದಕ್ಕೆ ನಮೋ
ನಮೋ ಎನುತಿರ್ದೆನು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Niran̄jana jāgradallinindaḍe bhaktanembe.
Niran̄jana svapnadallinindaḍe mahēśvaranembe
niran̄jana suṣuptiyalli nindaḍe prasādiyembe.
Niran̄jana tūryadalli nindaḍe prāṇaliṅgiyembe.
Niran̄jana vyōmadalli nindaḍe śaraṇanembe.
Niran̄jana vyōmātītadalli nindaḍe aikyanembe.
Niran̄jana vyōmātītakattattavāgiha mahāghana
nirvāṇātītave aṅgavāda
mahāśaraṇaṅge bhavahiṅgittāgi,
avara śrīpādakke namō
namō enutirdenu nōḍā
apramāṇakūḍalasaṅgamadēvā.
