ಪರಸ್ತ್ರೀ ಪರಾರ್ಥ ಪರಾನ್ನಕ್ಕೆ ಸುಳಿವ ಅಣ್ಣಗಳು ನೀವು ಕೇಳಿರೆ.
ಪರಸ್ತ್ರೀಗೆ ಚಕ್ಷುದಗ್ಧನಾಗಿರಬೇಕು ಕೇಳಿರಣ್ಣಾ.
ಪರಾರ್ಥಕ್ಕೆ ಹಸ್ತದಗ್ಧವಾಗಿರಬೇಕು ಕೇಳಿರಣ್ಣಾ.
ಪರಾನ್ನಕ್ಕೆ ಜಿಹ್ವೆದಗ್ಧವಾಗಿರಬೇಕು ಕೇಳಿರಣ್ಣಾ.
ನಿಂದೆಸ್ತುತಿಗೆ ಕಿವುಡನಾಗಿರಬೇಕು ಕೇಳಿರಣ್ಣಾ.
ಬಯಲಬ್ರಹ್ಮವ ನುಡಿವ ತರ್ಕಿಗಳ ಕಂಡಡೆ
ಮಾಗಿಯ ಕೋಗಿಲೆಯಂತೆ
ಮೂಗನಾಗಿರಬೇಕು ಶರಣನು ಕೇಳಿರಣ್ಣಾ ,
ಇವರಿಂಗೆ ಭವನಾಸ್ತಿ ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
Transliteration Parastrī parārtha parānnakke suḷiva aṇṇagaḷu nīvu kēḷire.
Parastrīge cakṣudagdhanāgirabēku kēḷiraṇṇā.
Parārthakke hastadagdhavāgirabēku kēḷiraṇṇā.
Parānnakke jihvedagdhavāgirabēku kēḷiraṇṇā.
Nindestutige kivuḍanāgirabēku kēḷiraṇṇā.
Bayalabrahmava nuḍiva tarkigaḷa kaṇḍaḍe
māgiya kōgileyante
mūganāgirabēku śaraṇanu kēḷiraṇṇā,
ivariṅge bhavanāsti nōḍā
apramāṇakūḍalasaṅgamadēvā.
