ನಗನೂರಠಾಣ್ಯದ ತೆಳಗಿಪ್ಪ ಇಪ್ಪತ್ತೈದು ಹಳ್ಳಿಯ ಸಾಗಿಸಿ
ಕೋರನಡಸುವ ಕಾರಕೂನರೈವರು,
ಕಾಡಹೊಲನ ಕಂಡಣಿಯ ಮಾಡುತಿರೆ;
ಹಾರುವರು ಹರಿಕಾರರು,
ಗೌಡರಿಬ್ಬರು ಗೊಮಗುಸುಕರು,
ಊರೊಳಹೊರಗೆ ಬಾರದ ಸೇನಬೋವರು,
ಕಿಂಚಿತು ಉಳಿಯಗೊಡದ ಠೇವಣಿಯನಿಕ್ಕುವರು.
ಹೃದಯಧರರು ಹುಸಿಕಾರರು,
ರಾಶಿಯನೊಕ್ಕುವ ಒಕ್ಕಲಿಗರು ವಂಚಕರು,
ಊರ ಪಂಚಾಳರು ಪ್ರಪಂಚಿಗಳು, ಅಗಸ ಮೈಲಿಗೆಗಳ್ಳ,
ನಾಯಿಂದ ಕೇಶಭುಂಜಕ, ಕುರುಬ ಭುಸಗೊಂಡ,
ಕುಂಬಾರ ತಿಗುರಿಸುತ್ತಳ, ತಳವಾರರು ಮರೆದೊರಗುವರು,
ಬಾರಿಕ ಬಲುಬೆದಕ, ಹೊಲೆಯ ಹುಸಿಕಾರ,
ಮಾದಿಗ ಮಾಂಸಭುಂಜಕ;
ರಾಜ್ಯದ ತಪ್ಪ ವಿಚಾರಿಸುವ ರಾಜ ಮಹಾಕ್ರೋಧಿ,
ಪರಿವಾರ ಬಾಧಕರು.
ಇಂತಿವರೊಳೊಬ್ಬನೂ ಮೋಹಿಯಲ್ಲ!
ನಾನೆಂತು ಜೀವಿಪೆನಯ್ಯಾ?
ಕಾಯಪುರದ ಸಂಭ್ರಮದ ಮಾಯಾಪಾಶಕೆನ್ನನಿಕ್ಕಿ ನೀನಗಲಿದೆಯಯ್ಯಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Naganūraṭhāṇyada teḷagippa ippattaidu haḷḷiya sāgisi
kōranaḍasuva kārakūnaraivaru,
kāḍaholana kaṇḍaṇiya māḍutire;
hāruvaru harikāraru,
gauḍaribbaru gomagusukaru,
ūroḷahorage bārada sēnabōvaru,
kin̄citu uḷiyagoḍada ṭhēvaṇiyanikkuvaru.
Hr̥dayadhararu husikāraru,
rāśiyanokkuva okkaligaru van̄cakaru,
ūra pan̄cāḷaru prapan̄cigaḷu, agasa mailigegaḷḷa,
nāyinda kēśabhun̄jaka, kuruba bhusagoṇḍa,
kumbāra tigurisuttaḷa, taḷavāraru maredoraguvaru,Bārika balubedaka, holeya husikāra,
mādiga mānsabhun̄jaka;
rājyada tappa vicārisuva rāja mahākrōdhi,
parivāra bādhakaru.
Intivaroḷobbanū mōhiyalla!
Nānentu jīvipenayyā?
Kāyapurada sambhramada māyāpāśakennanikki nīnagalideyayyā
paramaguru paḍuviḍi sid'dhamallināthaprabhuve.
