ಮದ ಎಂಟರೊಳು ಸಿಲ್ಕಿ ಮೈಮರೆದು ಅಲ್ಲಮನ
ಪಾದಯುಗಳನು ಮರೆಯದಿರು ಮರೆದರೆ ಆತ್ಮ
ಸುಧೆಯ ಹೊರಚೆಲ್ಲಿ ಸುರೆಗಾಟಿಯ ಸವಿವವನ
ವಿಧಿ ಕಂಡಾ ಶಿವನ ಮರೆಯದೆ ನೆನೆ ಆತ್ಮ.
ಕುಲ ಛಲ ರೂಪ ಯೌವ್ವನ ಧನ ವಿದ್ಯೆ ರಾಜ್ಯ
ಸಲೆ ತಪಮದವೆಂಬ ಎಂಟಾನೆಯವೆ ಆತ್ಮ.
ನಿಲಿಸುವನು ದೃಢವೆಂಬ ಕಂಬದೊಳು ಕಟ್ಟಿಯೆ
ಹಲವು ದೆಸೆಗವ ಹರಿಯಗೊಡದೆ ಎಲೆ ಆತ್ಮ.
ತಲೆಯೊಳಗೆ ಮೀಟು ಶಿವಜ್ಞಾನಾಂಕುಶವ ಹಿಡಿದು
ಕೊಲ್ಲುತಲಿರು ಕಂಡ್ಯಾ ಮಲಹರನ ಮರೆಯದೆ ಆತ್ಮ | 1|
ಮರವು ಮೋಡವು ಕವಿದು ಕರಣೇಂದ್ರಿಯೆಂದೆಂಬ
ಬಿರುಮಳೆಯು ಕರೆವುತೆ ಭೀತಿಯಾಗದೆ ಆತ್ಮ.
ಬರಸಿಡಿಲು ಕಾಲನೆಂಬುವುದು ಚಿಟಿಚಿಟಿಲೆನುತ
ಬರುತಲದೆ ಮುಂದೆ ರಕ್ಷಿಯಾಗಿರ್ದ ನೀ ಆತ್ಮ.
ಅರಿಗಳಲ್ಲದೆ ಹಿತವರಾರಿಲ್ಲ ಕೇಳು ನೀ
ಪರಮಾತ್ಮನನು ಮರೆಯದಿರು ಕಂಡ್ಯಾ ಆತ್ಮ. | 2 |
ಕಾಳಗದಿ ಕೈಮರದ ಪಟ ಬರೆಸಿ ಮರಣಾರ್ಥಿ
ಯೊಳಗಲಿದನಿಮಿಷಗೆ ಮೃತ್ಯು ಕೇಳಲೆ ಆತ್ಮ.
ನಾಲಗುಳ್ಳನಕ ಶಿವಸ್ಮೃತಿಯ ಮರೆದರೆ ನಿನಗೆ
ಕಾಲಮೃತ್ಯು ಮಾರಿಗಳು ಉಂಟೇ ಆತ್ಮ.
ಹೋರಾಡಿ ಲಿಂಗಾಂಗಸಂಗ ಖಡ್ಗದಲ್ಲಿ ನೀ
ಮೇಲಿಪ್ಪ ಗುರುಸಿದ್ಧ ಮಲ್ಲಿನಾಥನ ನಂಬು ಆತ್ಮ. | 3 |
Transliteration Mada eṇṭaroḷu silki maimaredu allamana
pādayugaḷanu mareyadiru maredare ātma
sudheya horacelli suregāṭiya savivavana
vidhi kaṇḍā śivana mareyade nene ātma.
Kula chala rūpa yauvvana dhana vidye rājya
sale tapamadavemba eṇṭāneyave ātma.
Nilisuvanu dr̥ḍhavemba kambadoḷu kaṭṭiye
halavu desegava hariyagoḍade ele ātma.
Taleyoḷage mīṭu śivajñānāṅkuśava hiḍidu
kollutaliru kaṇḍyā malaharana mareyade ātma | 1|
Maravu mōḍavu kavidu karaṇēndriyendemba
birumaḷeyu karevute bhītiyāgade ātma.
Barasiḍilu kālanembuvudu ciṭiciṭilenuta
barutalade munde rakṣiyāgirda nī ātma.
Arigaḷallade hitavarārilla kēḷu nī
paramātmananu mareyadiru kaṇḍyā ātma. | 2 |
Kāḷagadi kaimarada paṭa baresi maraṇārthi
yoḷagalidanimiṣage mr̥tyu kēḷale ātma.
Nālaguḷḷanaka śivasmr̥tiya maredare ninage
kālamr̥tyu mārigaḷu uṇṭē ātma.
Hōrāḍi liṅgāṅgasaṅga khaḍgadalli nī
mēlippa gurusid'dha mallināthana nambu ātma. | 3 |
