ವಿಕಾರದೊಳು ವಿಕಾರ ಕಪಿವಿಕಾರ.
ವಿಕಾರದೊಳು ವಿಕಾರ ಸುರೆಗುಡಿದವನ ವಿಕಾರ.
ವಿಕಾರದೊಳು ವಿಕಾರ ದತ್ತೂರಿಯ ಸವಿದ ವಿಕಾರ.
ಇಂತೀ ಎಲ್ಲಕೆ ಗುರು ಮನೋವಿಕಾರವೆಂಬುದು.
ಸುರೆ ದತ್ತೂರಿಯ ಸವಿದವನದು
ಒಂದಿನಕಾದರೂ ಪರಿಹಾರವಾಗುವದು.
ಮನೋವಿಕಾರದ ದತ್ತೂರಿ
ಅನುದಿನ ತಲೆಹೇರಿಕೊಂಡು ಮುಳುಗಿತ್ತು.
ಭೂಲೋಕದ ಯತಿ ಸಿದ್ಧ ಸಾಧ್ಯರ ಕೊಂಡು ಮುಳುಗಿತ್ತು.
ದೇವಲೋಕದ ದೇವಗಣ ಅಜಹರಿಸುರರ
ಜನನಮರಣವೆಂಬ ಅಣಲೊಳಗಿಕ್ಕಿತ್ತು ಮನೋವಿಕಾರ.
ಮನೋವಿಕಾರದಿಂದ ತನುವಿನಕಾರ,
ಮನೋವಿಕಾರದಿಂದ ಮಾಯಾಮದ.
ಮನೋವಿಕಾರದಿಂದ ಪಂಚಭೂತ ಸಪ್ತಧಾತು
ದಶವಾಯು ಅರಿಷಡ್ವರ್ಗ ಅಷ್ಟಮದ ಪಂಚೇಂದ್ರಿಯ,
ಅಂಗದೊಳು ಚರಿಸುವ ಜೀವ ಪ್ರಾಣ ಕರಣಾದಿ
ಗುಣಂಗಳೆಲ್ಲಕ್ಕೆಯು ಮನವೆ ಮುಖ್ಯ ನೋಡಾ.
ಮನೋವಿಕಾರವನಳಿದು ಶಿವವಿಕಾರದೊಳು ಇಂಬುಗೊಂಡಾತ
ಮೂರುಲೋಕಾರಾಧ್ಯನೆಂಬೆನು ಕಾಣಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Vikāradoḷu vikāra kapivikāra.
Vikāradoḷu vikāra sureguḍidavana vikāra.
Vikāradoḷu vikāra dattūriya savida vikāra.
Intī ellake guru manōvikāravembudu.
Sure dattūriya savidavanadu
ondinakādarū parihāravāguvadu.
Manōvikārada dattūri
anudina talehērikoṇḍu muḷugittu.
Bhūlōkada yati sid'dha sādhyara koṇḍu muḷugittu.
Dēvalōkada dēvagaṇa ajaharisurara
jananamaraṇavemba aṇaloḷagikkittu manōvikāra.
Manōvikāradinda tanuvinakāra,
manōvikāradinda māyāmada.
Manōvikāradinda pan̄cabhūta saptadhātu
daśavāyu ariṣaḍvarga aṣṭamada pan̄cēndriya,
Aṅgadoḷu carisuva jīva prāṇa karaṇādi
guṇaṅgaḷellakkeyu manave mukhya nōḍā.
Manōvikāravanaḷidu śivavikāradoḷu imbugoṇḍāta
mūrulōkārādhyanembenu kāṇā
paramaguru paḍuviḍi sid'dhamallināthaprabhuve
