ಹಳ್ಳ ಮೇರೆದಪ್ಪಿದರೆ ಇಳಿವುದು,
ಹೊಳೆ ಮೇರೆದಪ್ಪಿದರೆ ಇಳಿವುದು,
ಸಮುದ್ರ ಮೇರೆದಪ್ಪಿದರೆ ಇಳಿವುದು.
ಮನ ಮೇರೆದಪ್ಪಿದರೆ ಏರಿ ಇಳಿದು ಕಾಡುತ್ತಿದೆ.
ಅದು ಎಂತೆಂದರೆ:
ಹಳ್ಳ ಮೇರೆದಪ್ಪಿದರೆ ಸಂಗಡ ಕಾಯಿಯಿಂದ ನಡೆವುದು.
ಹೊಳೆ ಮೇರೆದಪ್ಪಿದರೆ ಹರುಗೋಲು ನಡೆವುದು.
ಸಮುದ್ರ ಮೇರೆದಪ್ಪಿದರೆ ಭೈತ್ರ ನಡೆವುದು.
ಮನ ಮೇರೆದಪ್ಪಿದರೆ ಎನ್ನ ಕೊಂಡು ಮುಳುಗಿತ್ತು.
ಈ ಮನ ವೇದ ಶಾಸ್ತ್ರ ಆಗಮದ ಕಟ್ಟಳೆಗೆ ನಿಲ್ಲುವುದೆ ? ನಿಲ್ಲದು.
ಓದುವುದು ಮನ, ಹೇಳುವುದು ಮನ, ಕೇಳುವುದು ಮನ,
ಕೇಳಿ ನರಕಕ್ಕಿಳಿವುದು ಕೆಡುವುದು ಮನ.
ಈ ಮನದಂದುಗದ ದಾಳಿಯಲ್ಲಿ ನೊಂದು ಬೆಂದೆನಯ್ಯಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Haḷḷa mēredappidare iḷivudu,
hoḷe mēredappidare iḷivudu,
samudra mēredappidare iḷivudu.
Mana mēredappidare ēri iḷidu kāḍuttide.
Adu entendare:
Haḷḷa mēredappidare saṅgaḍa kāyiyinda naḍevudu.
Hoḷe mēredappidare harugōlu naḍevudu.
Samudra mēredappidare bhaitra naḍevudu.
Mana mēredappidare enna koṇḍu muḷugittu.
Ī mana vēda śāstra āgamada kaṭṭaḷege nilluvude? Nilladu.
Ōduvudu mana, hēḷuvudu mana, kēḷuvudu mana,
kēḷi narakakkiḷivudu keḍuvudu mana.
Ī manadandugada dāḷiyalli nondu bendenayyā
paramaguru paḍuviḍi sid'dhamallināthaprabhuve.
