ಒಡಲಾಸೆಗೆ ಅನ್ಯರ ಸೇವೆಯ ಮಾಡುವ
ಕಡುಪಾಪಿಮನವೆ ಕೇಳು.
ದಧಿಯ ಮಥನವ ಮಾಡೆ ಪಂಚಾಮೃತವ ಕೊಡುವುದಲ್ಲದೆ,
ಉದಕವ ಕಡೆಯಲೇನ ಕೊಡದ ತೆರದಲ್ಲಿ
ಅನ್ಯರನಾಸೆಗೈದರೆ-
ಪರುಷ ಮನೆಯೊಳಿರೆ ಪರರ ಹಣವ ಬೇಡಿ
ಚಾಲಿವರಿವ ಮರುಳುಮಾನವನಂತೆ,
ವರ ಅಮೃತಬಾವಿ ಗೃಹದೊಳಿರೆ ಸವುಳು ನೀರಿಂಗೆ
ಚಾಲಿವರಿವ ಹೆಡ್ಡಮನುಜನಂತೆ,
ಸರ್ವರ ಮನ ಧರ್ಮ ಕರ್ಮವನರಿವ ಪರಮಾತ್ಮ
ನಿನ್ನ ಅಂಗೈಕರದೊಳಿರೆ ಪರರಾಸೆಗೈಯದಿರು, ಆಸೆಗೈಯದಿರು.
ಆಸೆಗೈ ಆಸೆಗೈ ನಮ್ಮ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವನಾಸೆಗೈದರೆ
ನಿನಗೆ ಮುಕ್ತಿಯುಂಟು ಕೇಳಲೆ ಮನುಜ.
Transliteration Oḍalāsege an'yara sēveya māḍuva
kaḍupāpimanave kēḷu.
Dadhiya mathanava māḍe pan̄cāmr̥tava koḍuvudallade,
udakava kaḍeyalēna koḍada teradalli
an'yaranāsegaidare-
paruṣa maneyoḷire parara haṇava bēḍi
cālivariva maruḷumānavanante,
vara amr̥tabāvi gr̥hadoḷire savuḷu nīriṅge
cālivariva heḍḍamanujanante,
sarvara mana dharma karmavanariva paramātma
ninna aṅgaikaradoḷire pararāsegaiyadiru, āsegaiyadiru.
Āsegai āsegai nam'ma
paramaguru paḍuviḍi sid'dhamallināthaprabhuvanāsegaidare
ninage muktiyuṇṭu kēḷale manuja.
