ಹಿಂದಣಜನ್ಮದಲ್ಲಿ ಗುರುವ ಮರೆದ ಕಾರಣ,
ಹಿಂದಣಜನ್ಮದಲ್ಲಿ ಲಿಂಗವ ಮರೆದ ಕಾರಣ,
ಹಿಂದಣಜನ್ಮದಲ್ಲಿ ಅರುಹು ಕುರುಹೆಂಬುದನರಿಯದಕಾರಣದಿಂ
ಸಂಸಾರಬಂಧನಕ್ಕೆ ಗುರಿಯಾದೆನಯ್ಯಾ.
ನಿನ್ನವರ ಮರೆದ ಕಾರಣದಿ ಅನ್ಯ ಭವಕ್ಕೆ ಎನ್ನ ಗುರಿ ಮಾಡಿದೆ.
ಇನ್ನಾದರೂ ನಿಮ್ಮ ಸೊಮ್ಮೆಂಬ ಗುರುಲಿಂಗಜಂಗಮವ ಮರೆಯೆ.
ಮರೆದರೆ ಮೂಗಿನ ಧಾರೆಯ ತೆಗೆವೆನು.
ಸರ್ವ ಅಪರಾಧಿ, ಎನ್ನವಗುಣವ ನೋಡದೆ ಕಾಯೋ ಕಾಯೋ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Hindaṇajanmadalli guruva mareda kāraṇa,
hindaṇajanmadalli liṅgava mareda kāraṇa,
hindaṇajanmadalli aruhu kuruhembudanariyadakāraṇadiṁ
sansārabandhanakke guriyādenayyā.
Ninnavara mareda kāraṇadi an'ya bhavakke enna guri māḍide.
Innādarū nim'ma som'memba guruliṅgajaṅgamava mareye.
Maredare mūgina dhāreya tegevenu.
Sarva aparādhi, ennavaguṇava nōḍade kāyō kāyō
paramaguru paḍuviḍi sid'dhamallināthaprabhuve.
