ಹಲವು ತರುಗಿರಿ ತೃಣಕಾಷ್ಠವೆಲ್ಲಕೆಯೂ
ಒಂದೇ ಕಿಡಿ ಸಾಲದೇನಯ್ಯಾ!
ಹಲವು ಜನನದಲ್ಲಿ ಒದಗಿದ ಪಾಪಂಗಳ ಸುಡುವರೆ
ಗುರುಕರುಣವೆಂಬ ಒಂದೇ ಕಿಡಿ ಸಾಲದೇನಯ್ಯಾ?
ಸಾಕ್ಷಿ:
ಇಂಧನಂ ವಹ್ನಿಸಂಯುಕ್ತಂ ವೃಕ್ಷನಾಮ ನ ವಿದ್ಯತೇ |
ಗುರುಸಂಸಾರಸಂಪನ್ನಃ ಸ ರುದ್ರೋ ನಾತ್ರ ಸಂಶಯಃ ||''
ಎಂದುದಾಗಿ,
ಅದು ಕಾರಣ, ಎನ್ನ ಭವವ ಕಳೆದು ಲಿಂಗದೇಹಿಯ ಮಾಡಿದ,
ಮಾಂಸಪಿಂಡವ ಕಳೆದು ಮಂತ್ರಪಿಂಡವ ಮಾಡಿದ,
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥನೆಂಬ ಗುರುವ
ಮರೆದವರಿಗೆ ಇದೇ ನರಕ.
Transliteration Halavu tarugiri tr̥ṇakāṣṭhavellakeyū
ondē kiḍi sāladēnayyā!
Halavu jananadalli odagida pāpaṅgaḷa suḍuvare
gurukaruṇavemba ondē kiḍi sāladēnayyā?
Sākṣi:
Indhanaṁ vahnisanyuktaṁ vr̥kṣanāma na vidyatē |
gurusansārasampannaḥ sa rudrō nātra sanśayaḥ ||''
endudāgi,
adu kāraṇa, enna bhavava kaḷedu liṅgadēhiya māḍida,
mānsapiṇḍava kaḷedu mantrapiṇḍava māḍida,
paramaguru paḍuviḍi sid'dhamallināthanemba guruva
maredavarige idē naraka.
