ಗುರುದೀಕ್ಷೆಯಿಲ್ಲದ ಶಿಲೆಯ ಕೊರಳಲ್ಲಿ ಕಟ್ಟಿಕೊಂಡು
ಲಿಂಗವೆಂದು ನುಡಿವ ಚಾಂಡಾಲಿ ನೀ ಕೇಳಾ.
ಗುರುದೀಕ್ಷೆಯಿಲ್ಲದುದು ಶಿಲೆಯಲ್ಲದೆ, ಲಿಂಗವಲ್ಲ.
ಅದು ಎಂತೆಂದರೆ:
ಭಿತ್ತಿಯ ಮೇಲಣ ಚಿತ್ರಕ್ಕೆ ಚೈತನ್ಯವುಂಟೇನಯ್ಯಾ?
ಗುರುದೀಕ್ಷವಿಲ್ಲದ ಲಿಂಗಕ್ಕೆ ಪ್ರಾಣಕಳೆಯುಂಟೇನಯ್ಯಾ?
ಪ್ರೇತಲಿಂಗವ ಕೊರಳಲ್ಲಿ ಕಟ್ಟಿ ಭೂತಪ್ರಾಣಿಗಳಾಗಿ
ಲಿಂಗವಂತರೆಂಬ ಪಾಷಂಡಿಗಳ ನೋಡಾ!
ಸಾಕ್ಷಿ: ಪ್ರೇತಲಿಂಗ ಸಂಸ್ಕಾರಿ ಭೂತಪ್ರಾಣೀ ನ ಜಾನಾತಿ''
ಎಂದುದಾಗಿ,
ಹೆಸರಿನ ಲಿಂಗ, ಹೆಸರಿನ ಗುರುವಾದರೆ
ಅಸಮಾಕ್ಷನ ನೆನಹು ನೆಲೆಗೊಳ್ಳದು ಕಾಣಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Gurudīkṣeyillada śileya koraḷalli kaṭṭikoṇḍu
liṅgavendu nuḍiva cāṇḍāli nī kēḷā.
Gurudīkṣeyilladudu śileyallade, liṅgavalla.
Adu entendare:
Bhittiya mēlaṇa citrakke caitan'yavuṇṭēnayyā?
Gurudīkṣavillada liṅgakke prāṇakaḷeyuṇṭēnayyā?
Prētaliṅgava koraḷalli kaṭṭi bhūtaprāṇigaḷāgi
liṅgavantaremba pāṣaṇḍigaḷa nōḍā!
Sākṣi: Prētaliṅga sanskāri bhūtaprāṇī na jānāti''
endudāgi,
hesarina liṅga, hesarina guruvādare
asamākṣana nenahu nelegoḷḷadu kāṇā
paramaguru paḍuviḍi sid'dhamallināthaprabhuve.
