ಭವಿ ಭಕ್ತರೆಂಬೆರಡು ವಿವರವಾಯಿತು ನೋಡಾ ಅಯ್ಯಾ.
ಭವಿಗೆ ಶೈವ, ಭಕ್ತಂಗೆ ವೀರಶೈವ.
ಭವಿ ಶೈವಲಿಂಗವ ಪೂಜೆಮಾಡಿದರೆ
ಅವರ ಭಾವಕ್ಕೆ ಒಲಿವನಲ್ಲದೆ,
ಶಿವಭಕ್ತ ಶೈವಲಿಂಗವ ಪೂಜೆಮಾಡಿದರೆ ತಪ್ಪದು ನರಕ.
ಅದು ಕಾರಣವೆಂದರೆ:
ಶಿವಲಿಂಗ ಕರಸ್ಥಲದಲ್ಲಿರುತಿರೆ ಆ ಲಿಂಗದ ಪೂಜೆಯ ಮಾಡಿ,
ವರವ ಪಡೆಯಲರಿಯದೆ, ಅನ್ಯಲಿಂಗಕ್ಕೆ ಹರಿದು ಹೋಗಿ,
ಗಡಗಡನುರುಳಿ, ಆ ಲಿಂಗದೇವಾಲಯವ ಪ್ರದಕ್ಷಿಣ ಮಾಡಿದರೆ,
ಕುನ್ನಿ ಬೂದಿಯೊಳಗೆ ಹೊರಳಿ ಲಟಪಟನೆ ಝಾಡಿಸಿ ಎದ್ದು
ತುಡುಗಿಗೆ ಮನೆಯೊಳು ಹೊಕ್ಕು ಸುತ್ತುತಿರೆ
ನಡುನೆತ್ತಿಯ ಮೇಲೆ ಬಡಿವಂತೆ,
ಏನೆಂದು ಸಟೆಮಾಡನಯ್ಯಾ ಇಂತಪ್ಪ ಅಜ್ಞಾನಿಗಳ,
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ?
Transliteration Bhavi bhaktaremberaḍu vivaravāyitu nōḍā ayyā.
Bhavige śaiva, bhaktaṅge vīraśaiva.
Bhavi śaivaliṅgava pūjemāḍidare
avara bhāvakke olivanallade,
śivabhakta śaivaliṅgava pūjemāḍidare tappadu naraka.
Adu kāraṇavendare:
Śivaliṅga karasthaladallirutire ā liṅgada pūjeya māḍi,
varava paḍeyalariyade, an'yaliṅgakke haridu hōgi,
gaḍagaḍanuruḷi, ā liṅgadēvālayava pradakṣiṇa māḍidare,
Kunni būdiyoḷage horaḷi laṭapaṭane jhāḍisi eddu
tuḍugige maneyoḷu hokku suttutire
naḍunettiya mēle baḍivante,
ēnendu saṭemāḍanayyā intappa ajñānigaḷa,
paramaguru paḍuviḍi sid'dhamallināthaprabhuve?
