ಧರಿಸಿರೊ ಶ್ರೀ ರುದ್ರಾಕ್ಷಿಯ ಬಾಹು
ಉರ ಕಂಠ ಕರ್ಣ ಮಸ್ತಕದಲ್ಲಿ ಒಲಿದು.
ಹರನಕ್ಷಿ ಜಲದಲ್ಲುದಯವಾಗಿ ಮುನಿ
ವರ ವಿಶ್ವಾಮಿತ್ರ ಗೌತಮ ವಶಿಷ್ಠರ
ನೆರೆ ಮುಕ್ತರ ಮಾಡಿ ಕೈಲಾಸಪದದೊಳ
ಗಿರಿಸುವ ಭಸಿತ ರುದ್ರಾಕ್ಷಿಯನೊಲಿದು. | 1 |
ನೆತ್ತಿಯೊಳಗೆ ತ್ರಯ ಶಿಖಿಗೇಕ ಮೇಣ್
ಚಿತ್ತಸಮಸ್ತಕೆ ಧಾರಣಗಳು ಅದ
ರೊತ್ತಿಲಿ ಕರ್ಣಕುಂಡಲಕೆ ಏಕೈ-
ಕೆಂದು ವಿಸ್ತರಿಸಿ ರುದ್ರಾಕ್ಷಿಯನೊಲಿದು. | 2 |
ಕೊರಳೊಳು ಬತ್ತೀಸ ಉರದೊಳು ಮಹಾ
ಸರ ಅಷ್ಟಶತಮಾಲೆಯನುವೆ ನೀವು
ಕರಕಂಕಣಕೆ ದಶಬಾಹುಪೂರಕೆ
ನೆರೆ ಷೋಡಶ ರುದ್ರಕ್ಷಿಯನೊಲಿದು. | 3 |
ಕರದಂಘ್ರಿಮಾಲೆಗೆ ದಶವೇಕ ಮಹಾಜಪ
ಸರ [ಕೂಡಿಕೊಂಡು ಲೇಸೆಂದು] ಮೇಣ್
ವಿರಚಿಸಿ ಶಿವಪೂಜೆಯನು ಮಾಡೆ ಕರ್ಮ
ಗಿರಿಗೊಜ್ರವೆನಿಪ ರುದ್ರಾಕ್ಷಿಯನೊಲಿದು. | 4 |
ಇನಿತು ತೆರದ ರುದ್ರಾಕ್ಷಿಯ ಮಹಾ
ಘನವೆಂಬಲ್ಲಿ ಮುಕ್ತಿಯ ಸಾರ
ತ್ರಿಣಯ ಸದ್ಗುರು ಪಡುವಿಡಿ ಸಿದ್ಧಮಲ್ಲನಾ
ನೆನವ ತೋರುವ ತತ್ವಚಿಂತಾಮಣಿಯನೊಲಿದು. | 5 |
Transliteration Dharisiro śrī rudrākṣiya bāhu
ura kaṇṭha karṇa mastakadalli olidu.
Haranakṣi jaladalludayavāgi muni
vara viśvāmitra gautama vaśiṣṭhara
nere muktara māḍi kailāsapadadoḷa
girisuva bhasita rudrākṣiyanolidu. | 1 |
Nettiyoḷage traya śikhigēka mēṇ
cittasamastake dhāraṇagaḷu ada
rottili karṇakuṇḍalake ēkai-
kendu vistarisi rudrākṣiyanolidu. | 2 |
Koraḷoḷu battīsa uradoḷu mahā
sara aṣṭaśatamāleyanuve nīvu
karakaṅkaṇake daśabāhupūrake
nere ṣōḍaśa rudrakṣiyanolidu. | 3 |
Karadaṅghrimālege daśavēka mahājapa
sara [kūḍikoṇḍu lēsendu] mēṇ
viracisi śivapūjeyanu māḍe karma
girigojravenipa rudrākṣiyanolidu. | 4 |
Initu terada rudrākṣiya mahā
ghanavemballi muktiya sāra
triṇaya sadguru paḍuviḍi sid'dhamallanā
nenava tōruva tatvacintāmaṇiyanolidu. | 5 |
