ಗುರುವಿನಲ್ಲಿ ಲಿಂಗವುಂಟು, ಜಂಗಮವುಂಟೆಂದು
ಗುರುಭಕ್ತಿಯ ಮಾಡೆಂದು ತೋರಿದಾತ ನಮ್ಮ ಬಸವಣ್ಣನಯ್ಯಾ.
ಲಿಂಗದಲ್ಲಿ ಜಂಗಮವುಂಟೆಂದು, ಗುರುವುಂಟೆಂದು
ಲಿಂಗಭಕ್ತಿಯ ಮಾಡೆಂದು ತೋರಿದಾತ ನಮ್ಮ ಬಸವಣ್ಣನಯ್ಯಾ.
ಜಂಗಮದಲ್ಲಿ ಗುರುವುಂಟು, ಲಿಂಗವುಂಟು
ಜಂಗಮ ಭಕ್ತಿಯ ಮಾಡೆಂದು ತೋರಿದಾತ ನಮ್ಮ ಬಸವಣ್ಣನಯ್ಯಾ.
ಒಂದೇ ಮೂರ್ತಿ ಮೂರೆಂದಾತ ನಮ್ಮ ಬಸವಣ್ಣನಯ್ಯಾ.
`ಏಕಮೂರ್ತಿ ತ್ರಯೋರ್ಭಾಗಾಃ' ಎಂದುದಾಗಿ,
ಗುರು ಲಿಂಗಜಂಗಮವಾದಾತ ಒಬ್ಬನೆ ಶಿವನೆಂದು
ಪ್ರಸಾರ ಮಾಡಿ ಭಕ್ತಿಯ ಬೆಳಸಿದಾತ ನಮ್ಮ ಬಸವಣ್ಣನಯ್ಯಾ
ಪರಮಗುರು ಪಡುವಿಡಿ ಸಿದ್ಧಮಲ್ಲಿನಾಥಪ್ರಭುವೆ.
Transliteration Guruvinalli liṅgavuṇṭu, jaṅgamavuṇṭendu
gurubhaktiya māḍendu tōridāta nam'ma basavaṇṇanayyā.
Liṅgadalli jaṅgamavuṇṭendu, guruvuṇṭendu
liṅgabhaktiya māḍendu tōridāta nam'ma basavaṇṇanayyā.
Jaṅgamadalli guruvuṇṭu, liṅgavuṇṭu
jaṅgama bhaktiya māḍendu tōridāta nam'ma basavaṇṇanayyā.
Ondē mūrti mūrendāta nam'ma basavaṇṇanayyā.
`Ēkamūrti trayōrbhāgāḥ' endudāgi,
guru liṅgajaṅgamavādāta obbane śivanendu
prasāra māḍi bhaktiya beḷasidāta nam'ma basavaṇṇanayyā
paramaguru paḍuviḍi sid'dhamallināthaprabhuve.
