ಅಯ್ಯಾ, ಇಂತು ಪಾದೇಂದ್ರಿಯ, ಪಾಯ್ವೇಂದ್ರಿಯ,
ಗುಹ್ಯೇಂದ್ರಿಯ, ಪಾಣೇಂದ್ರಿಯ, ವಾಗೇಂದ್ರಿಯ, ಘ್ರಾಣೇಂದ್ರಿಯ,
ಜಿಹ್ವೇಂದ್ರಿಯ, ನೇತ್ರೇಂದ್ರಿಯ, ತ್ವಗೇಂದ್ರಿಯ, ಶ್ರೋತ್ರೇಂದ್ರಿಯ
ಮೊದಲಾದ ಸಮಸ್ತ ಇಂದ್ರಿಯ ವಿಷಯ ವ್ಯಾಪಾರದಿಂದ
ಹುಸಿ, ಕಳವು, ಪರದಾರ, ಪರನಿಂದ್ಯ, ಪರಹಿಂಸೆ, ಪರದೈವ,
ಪರಕಾಂಕ್ಷೆ, ಅನೃತ, ಅಪಶಬ್ದ ಮೊದಲಾಗಿ
ಪರಮಪಾತಕತನದಿಂದ ಹೊಡದಾಡಿ,
ಅರ್ಥಪ್ರಾಣಾಭಿಮಾನವ ಕಳಕೊಂಡು
ಭವಭಾರಿಯಾಗಿ ನಷ್ಟವಾಯಿತಯ್ಯ ಎನ್ನ ಹೃದಯೇಂದ್ರಿಯವು.
ಇಂತಾ ಇಂದ್ರಿಯಂಗಳ ದುಸ್ಸಂಗದಿಂದ ಜಡಶರೀರಿಯಾಗಿ,
ನಿಮ್ಮ ನಿಜಭಕ್ತಿಯ ಮರದೆನಯ್ಯ ಪರಮಾರಾಧ್ಯದಿರವೆ.
ಇನ್ನೆನಗೆ ಗತಿಯ ಪಥವ ತೋರಿಸಯ್ಯ
ಮಹಾಪ್ರಭುವೆ ಶ್ರೀಗುರುಲಿಂಗಜಂಗಮವೆ,
ಹರಹರ ಶಿವಶಿವ ಜಯಜಯ ಕರುಣಾಕರ
ಮತ್ಪ್ರಾಣನಾಥ ಮಹಾ ಶ್ರೀಗುರುಸಿದ್ಧಲಿಂಗೇಶ್ವರ.
Transliteration Ayyā, intu pādēndriya, pāyvēndriya,
guhyēndriya, pāṇēndriya, vāgēndriya, ghrāṇēndriya,
jihvēndriya, nētrēndriya, tvagēndriya, śrōtrēndriya
modalāda samasta indriya viṣaya vyāpāradinda
husi, kaḷavu, paradāra, paranindya, parahinse, paradaiva,
parakāṅkṣe, anr̥ta, apaśabda modalāgi
paramapātakatanadinda hoḍadāḍi,
arthaprāṇābhimānava kaḷakoṇḍu
bhavabhāriyāgi naṣṭavāyitayya enna hr̥dayēndriyavu. Intā indriyaṅgaḷa dus'saṅgadinda jaḍaśarīriyāgi,
nim'ma nijabhaktiya maradenayya paramārādhyadirave.
Innenage gatiya pathava tōrisayya
mahāprabhuve śrīguruliṅgajaṅgamave,
harahara śivaśiva jayajaya karuṇākara
matprāṇanātha mahā śrīgurusid'dhaliṅgēśvara.
