ಅಯ್ಯಾ, ಮತ್ತೊಂದು ವೇಳೆ
ಕಾಮವಿಕಾರದಿಂದ ತೊಳಲಿಸಿತಯ್ಯ,
ಕ್ರೋಧದ ಸಂದಿನಲ್ಲಿ ಕೆಡಹಿತಯ್ಯ.
ಲೋಭದ ಪಾಶದಲ್ಲಿ ನೂಂಕಿತಯ್ಯ.
ಮೋಹಮದಮತ್ಸರದ ಬಲೆಯಲ್ಲಿ ಸಿಲ್ಕಿಸಿತಯ್ಯ.
ಸತ್ವ-ರಜ-ತಮವೆಂಬ ತ್ರಿಗುಣಂಗಳಲ್ಲಿ ನುಗ್ಗುನುರಿ ಮಾಡಿತಯ್ಯ.
ಗಂಧ ರಸ ರೂಪು ಸ್ಪರ್ಶನ ಶಬ್ದ ಮೊದಲಾದ
ಸಮಸ್ತ ವಿಷಯದಲ್ಲಿ ಕಂದಿಕುಂದಿಸಿತಯ್ಯ.
ಇಂಥ ದುರಾಚಾರಿ ದುರ್ಜೀವ
ಮನವ ಎಂದಿಗೆ ಪರಿಹರಿಸುವಿಯೊ?
ಶ್ರೀಗುರುಲಿಂಗಜಂಗಮವೆ,
ಹರಹರ ಶಿವಶಿವ ಜಯಜಯ ಕರುಣಾಕರ
ಮತ್ಪ್ರಾಣನಾಥ ಮಹಾಶ್ರೀಗುರುಸಿದ್ಧಲಿಂಗೇಶ್ವರ.
Transliteration Ayyā, mattondu vēḷe
kāmavikāradinda toḷalisitayya,
krōdhada sandinalli keḍahitayya.
Lōbhada pāśadalli nūṅkitayya.
Mōhamadamatsarada baleyalli silkisitayya.
Satva-raja-tamavemba triguṇaṅgaḷalli nuggunuri māḍitayya.
Gandha rasa rūpu sparśana śabda modalāda
Samasta viṣayadalli kandikundisitayya.
Intha durācāri durjīva
manava endige pariharisuviyo?
Śrīguruliṅgajaṅgamave,
harahara śivaśiva jayajaya karuṇākara
matprāṇanātha mahāśrīgurusid'dhaliṅgēśvara.
