ಆದಿಯ ಸಂಗದಲಾದವನ ದೇವರೆಂದೆನ್ನೆ,
ಸಂಗ ಸುಖದಲಿಪ್ಪವನ ದೇವರೆಂದೆನ್ನೆ,
ಶಕ್ತಿ ಸಂಪುಟವಾದವನ ದೇವೆರೆಂದೆನ್ನೆ,
ಇಬ್ಬರ ಸಂಗದಲಾದವನ ದೇವರೆಂದೆನ್ನೆ,
ಭಾವ ಸದ್ಭಾವ ನಿರ್ಭಾವವೆಂಬ ಭಾವತ್ರಯವುಳ್ಳವನ ದೇವರೆಂದೆನ್ನೆ,
ಸಗುಣ ನಿರ್ಗುಣವುಳ್ಳವನ ದೇವರೆಂದೆನ್ನೆ,
ಸಗುಣ ನಿರ್ಗುಣಗಳಿಗೆ ಮಿಗೆಮಿಗೆಯಾಗಿ ತೋರುವ
ಪರಮಾವ್ಯಯ ನೀನಾದ ಕಾರಣ,
ನಿರವಯಲಿಂಗವೆಂದೆ; ನಿಃಕಲಪರಬ್ರಹ್ಮವೆಂದೆ,
ಏಕಮೇವನದ್ವಿತೀಯ ಪರಾತ್ಪರವೆಂದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ādiya saṅgadalādavana dēvarendenne,
saṅga sukhadalippavana dēvarendenne,
śakti sampuṭavādavana dēverendenne,
ibbara saṅgadalādavana dēvarendenne,
bhāva sadbhāva nirbhāvavemba bhāvatrayavuḷḷavana dēvarendenne,
saguṇa nirguṇavuḷḷavana dēvarendenne,
saguṇa nirguṇagaḷige migemigeyāgi tōruva
paramāvyaya nīnāda kāraṇa,
niravayaliṅgavende; niḥkalaparabrahmavende,
ēkamēvanadvitīya parātparavendenu kāṇā,
mahāliṅgaguru śivasid'dhēśvara prabhuvē.
