ಇವು ಮೂರೂ ನಿತ್ಯವಾದಡೆ, ಮಾಯೆಯೂ ಆತ್ಮನು
ಉತ್ಪತ್ತಿ ಸ್ಥಿತಿ ಪ್ರಳಯಕ್ಕೊಳಗಾಗುತ್ತಿಪ್ಪವು ನೋಡಾ.
ಶಿವನೆ ಉತ್ಪತ್ತಿ ಸ್ಥಿತಿ ಪ್ರಳಯರಹಿತನಾಗಿ ನಿತ್ಯನಾಗಿಪ್ಪನು ನೋಡಾ.
ಇದು ಕಾರಣ, ಅನಿತ್ಯವಾದ ಪಶುಪಾಶಂಗಳ ನಿತ್ಯವೆಂಬುದು
ಅದು ಅಜ್ಞಾನ ನೋಡಾ.
ಶಿವಜ್ಞಾನೋದಯದಿಂದ ತಿಳಿದುನೋಡಿದರೆ,
ಶಿವತತ್ವವೊಂದೇ ನಿತ್ಯವು; ಉಳಿದವೆಲ್ಲವು ಅನಿತ್ಯ ಕಾಣಾ.
ಹೀಂಗೆಂದು ಕಂಡ ಕಾಣಿಕೆ ನೀನೇ ನೋಡಾ.
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ivu mūrū nityavādaḍe, māyeyū ātmanu
utpatti sthiti praḷayakkoḷagāguttippavu nōḍā.
Śivane utpatti sthiti praḷayarahitanāgi nityanāgippanu nōḍā.
Idu kāraṇa, anityavāda paśupāśaṅgaḷa nityavembudu
adu ajñāna nōḍā.
Śivajñānōdayadinda tiḷidunōḍidare,
śivatatvavondē nityavu; uḷidavellavu anitya kāṇā.
Hīṅgendu kaṇḍa kāṇike nīnē nōḍā.
Mahāliṅgaguru śivasid'dhēśvara prabhuvē.
