ಅನಾದಿಯಾಗಿ ಪಶು ಪಾಶ ಮಲ ಮಯಾಕರ್ಮಗಳುಂಟಾದರೆ,
ಈ ಜಗವನೊಬ್ಬರೂ ಸೃಷ್ಟಿಮಾಡಿದ ಕರ್ತೃವಲ್ಲ.
ಎಂದೆಂದೂ ಜಗವಿದ್ದಿತ್ತು ನಿತ್ಯವೆನ್ನು.
ಎಂದೆಂದೂ ಜಗವಿದ್ದಿತ್ತೆಂಬೆಯಾದರೆ,
ಶಿವನ ಸೃಷ್ಟಿ, ಸ್ಥಿತಿ, ಸಂಹಾರ, ಸ್ಥಿರೋಭಾವ, ಅನುಗ್ರಹವೆಂಬ
ಪಂಚಕೃತ್ಯಗಳು ಹುಸಿಯೆಂದೆನ್ನು.
ಶಿವನಿಗೆ ಸೃಷ್ಟಿ ಸ್ಥಿತಿ ಸಂಹಾರಾರ್ಥವುಂಟಾದರೆ,
ಈ ಜಗತ್ತೆಲ್ಲವೂ ಶಿವನ ನೆನಹು ಮಾತ್ರದಿಂದ ಹುಟ್ಟಿತ್ತಲ್ಲದೆ,
ಎಂದೆಂದೂ ಉಂಟೆಂಬುದು ಶೈವ ಪಶುಮತವಲ್ಲದೆ,
ವೀರಶೈವರ ಮತವಲ್ಲ.
ವೀರಶೈವರ ಮತವೆಂತೆಂದಡೆ:
ಘನ ಗಂಭೀರ ವಾರಿಧಿಯೊಳಗೆ ಫೇನತರಂಗ
ಬುದ್ಬುದ ಶೀಕರಾದಿಗಳು ತೋರಿದಡೆ,
ಆ ಸಾಗರ ಹೊರಗಾಗಿ ತೋರಬಲ್ಲವೇ?
ಆ ಪರಶಿವಸಾಗರದಲ್ಲಿ ತೃಣಾದಿ ಬ್ರಹ್ಮಾಂತವಾದ ದೇಹಿಗಳು
ಉತ್ಪತ್ತಿಯಾಗಿ ಮತ್ತಲ್ಲಿಯೇ ಅಡಗುತ್ತಿಪ್ಪರುನೋಡಾ.
ಇದು ಕಾರಣ, ಲಿಂಗನಿರ್ಮಿತದಿಂದ ಜಗತ್ತಾಯಿತೆಂದೆ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Anādiyāgi paśu pāśa mala mayākarmagaḷuṇṭādare,
ī jagavanobbarū sr̥ṣṭimāḍida kartr̥valla.
Endendū jagaviddittu nityavennu.
Endendū jagaviddittembeyādare,
śivana sr̥ṣṭi, sthiti, sanhāra, sthirōbhāva, anugrahavemba
pan̄cakr̥tyagaḷu husiyendennu.
Śivanige sr̥ṣṭi sthiti sanhārārthavuṇṭādare,
ī jagattellavū śivana nenahu mātradinda huṭṭittallade,
endendū uṇṭembudu śaiva paśumatavallade,
vīraśaivara matavalla.
Vīraśaivara mataventendaḍe:
Ghana gambhīra vāridhiyoḷage phēnataraṅga
Budbuda śīkarādigaḷu tōridaḍe,
ā sāgara horagāgi tōraballavē?
Ā paraśivasāgaradalli tr̥ṇādi brahmāntavāda dēhigaḷu
utpattiyāgi mattalliyē aḍaguttipparunōḍā.
Idu kāraṇa, liṅganirmitadinda jagattāyitende kāṇā,
mahāliṅgaguru śivasid'dhēśvara prabhuvē.
