ಕೋಡಗನ ಅಣಲ ಸಂಚಲದಲ್ಲಿ
ಎರಡು ದಾಡೆ ಹುಟ್ಟಿದವು ನೋಡಾ.
ಆ ದಾಡೆಯ ಸಂಚಲದಲ್ಲಿ
ಮೂರುಲೋಕವೆಲ್ಲ ಆಳುತ್ತ ಮುಳುಗುತ್ತಿದೆ ನೋಡಾ.
ತ್ರೈಜಗದ ಮಸ್ತಕವನೊಡದು ನೀವು ಮೂಡಲು
ಈರೇಳು ಲೋಕವೆಲ್ಲ ಬೆಳಗಾಯಿತ್ತು ನೋಡಾ.
ಈರೇಳು ಲೋಕವನೊಳಕೊಂಡ ಬೆಳಗು ತಾನೆಂದರಿಯಲು
ಕೋಡಗನಣಲಸಂಚದ ದಾಡೆ ಮುರಿಯಿತ್ತು;
ಮೂರುಲೋಕದ ವೇದನೆ ಮಾದುದ ಕಂಡೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Kōḍagana aṇala san̄caladalli
eraḍu dāḍe huṭṭidavu nōḍā.
Ā dāḍeya san̄caladalli
mūrulōkavella āḷutta muḷuguttide nōḍā.
Traijagada mastakavanoḍadu nīvu mūḍalu
īrēḷu lōkavella beḷagāyittu nōḍā.
Īrēḷu lōkavanoḷakoṇḍa beḷagu tānendariyalu
kōḍaganaṇalasan̄cada dāḍe muriyittu;
mūrulōkada vēdane māduda kaṇḍenu kāṇā,
mahāliṅgaguru śivasid'dhēśvara prabhuvē.
