ಅರುಹು ತಲೆದೋರಿತೆಂದು,
ಗುರುಹಿರಿಯರ ಜರಿಯಲಾಗದಯ್ಯ.
ಗುರುವನು ಜರಿಯೆ; ಹಿರಿಯರನು ಜರಿಯೆ;
ಅದೇನು ಕಾರಣವೆಂದಡೆ;
ಗುರುವೇ ಸದ್ರೂಪು, ಲಿಂಗವೇ ಚಿದ್ರೂಪು,
ಜಂಗಮವೇ ಆನಂದ ಸ್ವರೂಪು.
ಇವು ಮೂರು ಬರಿಯ ಅರುಹು ಸ್ವರೂಪು.
ಅವ ಜರಿಯಲುಂಟೆ?
ನಡುವಣ ಪ್ರಕೃತಿಯ ಜರಿವುತ್ತಿಪ್ಪೆನಯ್ಯ.
ಆ ಪ್ರಕೃತಿಯ ಜರಿದರೆ
ಗುರುಹಿರಿಯರಿಗೆ ನಿಮಗೇಕೆ ದುಮ್ಮಾನವಯ್ಯ?
ಪ್ರಕೃತಿಯೇನು ನಿಮ್ಮ ಸೊಮ್ಮೆ ಹೇಳಿರಯ್ಯ.
ಜೀವನೋಪಾಯಕ್ಕೆ ಪರಮಾರ್ಥವನಲ್ಲಾಯೆಂಬ ಪ್ರಪಂಚಿಗಳ
ಮೆಚ್ಚನು ಕಾಣ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Aruhu taledōritendu,
guruhiriyara jariyalāgadayya.
Guruvanu jariye; hiriyaranu jariye;
adēnu kāraṇavendaḍe;
guruvē sadrūpu, liṅgavē cidrūpu,
jaṅgamavē ānanda svarūpu.
Ivu mūru bariya aruhu svarūpu.
Ava jariyaluṇṭe?
Naḍuvaṇa prakr̥tiya jarivuttippenayya.
Ā prakr̥tiya jaridare
guruhiriyarige nimagēke dum'mānavayya?
Prakr̥tiyēnu nim'ma som'me hēḷirayya.
Jīvanōpāyakke paramārthavanallāyemba prapan̄cigaḷa
meccanu kāṇa,
mahāliṅgaguru śivasid'dhēśvara prabhuvē.
