ಓಂಕಾರವೆ ನಾದಮಯ. ಓಂಕಾರವೆ ಮಂತ್ರಮಯ.
ಓಂಕಾರವೆ ಪರಿಪೂರ್ಣವಾಗಿ ಸರ್ವವ್ಯಾಪಕತ್ವವನ್ನುಳ್ಳುದು ನೋಡಾ.
ಪ್ರಣವವೆ ಪರಮಾತ್ಮ ಸ್ವರೂಪವಾಗಿ
ಪರಮೇಶ್ವರನ ಗೌಪ್ಯಮುಖ ನೋಡಾ.
ಪ್ರಣವವೆ ಶಿವಶರಣರ ಹೃದಯಾಧಿಪತಿ. ಇದು ಕಾರಣ,
ಹೃದಯಕಮಲ ಮಧ್ಯದಲ್ಲಿ ಪ್ರಣವವನುಚ್ಚರಿಸುತ್ತ
ಪರಶಿವಧ್ಯಾನದಲ್ಲಿ ತರಹರವಾಗಿ ಪ್ರಣವಸ್ವರೂಪನಾಗಿದ್ದೆನಯ್ಯ.
ಪಂಚಾಕ್ಷರವೆ ಪಂಚಬ್ರಹ್ಮಮಯವಾಗಿ
ಆ ಪಂಚಾಕ್ಷರಿಮಂತ್ರವೆ ಶರೀರವಾಗಿರ್ದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Ōṅkārave nādamaya. Ōṅkārave mantramaya.
Ōṅkārave paripūrṇavāgi sarvavyāpakatvavannuḷḷudu nōḍā.
Praṇavave paramātma svarūpavāgi
paramēśvarana gaupyamukha nōḍā.
Praṇavave śivaśaraṇara hr̥dayādhipati. Idu kāraṇa,
hr̥dayakamala madhyadalli praṇavavanuccarisutta
paraśivadhyānadalli taraharavāgi praṇavasvarūpanāgiddenayya.
Pan̄cākṣarave pan̄cabrahmamayavāgi
ā pan̄cākṣarimantrave śarīravāgirdenu kāṇā,
mahāliṅgaguru śivasid'dhēśvara prabhuvē.
