ಭರಿತಬೋನ ಭರಿತಬೋನವೆಂದು
ಒಂದೆ ವೇಳೆ ಬಾಚಿಸಿಕೊಂಡು
ಲಿಂಗಕ್ಕೆ ಕೊಟ್ಟೆವು ಲಿಂಗಪ್ರಸಾದವಾಯಿತ್ತೆಂದು
ಬಿಗಿಬಿಗಿದು ಕಟ್ಟಿಕೊಂಡು
ಮತ್ತೊಂದು ಪದಾರ್ಥ ಬಂದರೆ ಲಿಂಗವ ಬಿಡಲಮ್ಮರಯ್ಯ.
ಆ ಪದಾರ್ಥವ ಕಂಡು ಮನದಲ್ಲಿ ಬಯಸಿ
ಕುದಿಕುದಿದು ಕೋಟಲೆಗೊಂಡು ಹಲ್ಲು ಬಾಯಾರುತ್ತಿಪ್ಪರಯ್ಯ.
ಅದೇಕೆ ಲಿಂಗವ ಬಿಡಲಮ್ಮಿರಿ ಕೈಯೇನು ಎಂಜಲೆ?
ಕೈಯೆಂಜಲಾದಂಗೆ ಬಾಯೆಲ್ಲಾ ಎಂಜಲು.
ಬಾಯೆಂಜಲಾದವಂಗೆ ಸರ್ವಾಂಗವೆಲ್ಲಾ ಎಂಜಲು.
ಎಂಜಲೆಂದರೆ ಅಮೇಧ್ಯ.
ಅಮೇಧ್ಯದ ಮೇಲೆ ಲಿಂಗವ ಧರಿಸಿಪ್ಪಿರಿಯೆ ಹೇಳಿರಣ್ಣ?
ಈ ಸಂದೇಹಿಭ್ರಾಂತಿಯ ಕೈವಿಡಿಯಲೊಲ್ಲರು ನಿಮ್ಮಶರಣರು,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Bharitabōna bharitabōnavendu
onde vēḷe bācisikoṇḍu
liṅgakke koṭṭevu liṅgaprasādavāyittendu
bigibigidu kaṭṭikoṇḍu
mattondu padārtha bandare liṅgava biḍalam'marayya.
Ā padārthava kaṇḍu manadalli bayasi
kudikudidu kōṭalegoṇḍu hallu bāyāruttipparayya.
Adēke liṅgava biḍalam'miri kaiyēnu en̄jale?
Kaiyen̄jalādaṅge bāyellā en̄jalu.
Bāyen̄jalādavaṅge sarvāṅgavellā en̄jalu.
En̄jalendare amēdhya.
Amēdhyada mēle liṅgava dharisippiriye hēḷiraṇṇa?
Ī sandēhibhrāntiya kaiviḍiyalollaru nim'maśaraṇaru,
mahāliṅgaguru śivasid'dhēśvara prabhuvē.
