ಎನ್ನ ಕಾಯ ಕಾಮಾರಿಯಲ್ಲಿ ಸಾವಧಾನವಾಯಿತ್ತಾಗಿ
ಕಾಯವೆನಗಿಲ್ಲ ನೋಡಾ.
ಎನ್ನ ಮನ ಮಾಹೇಶ್ವರನಲ್ಲಿ ಸಾವಧಾನವಾಯಿತ್ತಾಗಿ
ಮಾಯಾ ಪ್ರಪಂಚು ಹೆರೆದೆಗೆದೋಡಿತ್ತು ನೋಡಾ.
ಎನ್ನ ಪ್ರಾಣ ಪರಮೇಶ್ವರನಲ್ಲಿ ಸಾವಧಾನವಾಯಿತ್ತಾಗಿ
ಪ್ರಾಣಾದಿ ವಾಯುಗಳ ಪ್ರಪಂಚಿನ ಗಮನಾಗಮನ
ನಾಸ್ತಿಯಾಯಿತ್ತು ನೋಡಾ.
ಎನ್ನ ಭಾವ ಭವಹರನಲ್ಲಿ ಸಾವಧಾನವಾಯಿತ್ತಾಗಿ
ಭಾವಭಾವಭ್ರಮೆಗಳು ಅಳಿದು ಹೋದುವು ನೋಡಾ.
ಭಾವ ನಿಭಾರ್ವವಾಗಿ ಬ್ರಹ್ಮವ ಮುಟ್ಟಿತ್ತಾಗಿ
ನಿನ್ನಯ ಪ್ರಸಾದ ಎನ್ನನೊಳಕೊಂಡಿತ್ತು ನೋಡಾ.
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Enna kāya kāmāriyalli sāvadhānavāyittāgi
kāyavenagilla nōḍā.
Enna mana māhēśvaranalli sāvadhānavāyittāgi
māyā prapan̄cu heredegedōḍittu nōḍā.
Enna prāṇa paramēśvaranalli sāvadhānavāyittāgi
prāṇādi vāyugaḷa prapan̄cina gamanāgamana
nāstiyāyittu nōḍā.
Enna bhāva bhavaharanalli sāvadhānavāyittāgi
bhāvabhāvabhramegaḷu aḷidu hōduvu nōḍā.
Bhāva nibhārvavāgi brahmava muṭṭittāgi
ninnaya prasāda ennanoḷakoṇḍittu nōḍā.
Mahāliṅgaguru śivasid'dhēśvara prabhuvē.
