ಕಾಯ ಲಿಂಗಾರ್ಪಿತವಾದ ಬಳಿಕ
ಕರ್ಮತ್ರಯಗಳು ಇರಲಾಗದು ನೋಡಾ.
ಜೀವ ಲಿಂಗಾರ್ಪಿತವಾದ ಬಳಿಕ
ಸಂಸಾರವ್ಯಾಪ್ತಿಯಹಂಥಾ ಜೀವನ ಗುಣವಿರಲಾಗದು.
ಅದು ಅರ್ಪಿತವಲ್ಲ ನೋಡಾ.
ಕರಣಂಗಳು ಲಿಂಗಾರ್ಪಿತವಾದ ಬಳಿಕ
ಆ ಕರಣಂಗಳೆಲ್ಲವು ಲಿಂಗ ಕಿರಣಂಗಳಾಗಿ
ಆ ಲಿಂಗ ಕಿರಣವೆ ಹರಣವಾಗಿರಬೇಕು ನೋಡಾ.
ಕಾಯದ ಜೀವದ ಕರಣದ ಗುಣವ ಕಳೆಯದ
ಲಿಂಗಾರ್ಪಿತ ಪ್ರಸಾದಿಗಳೆಂಬ ಪ್ರಪಂಚಿಗಳ ಮಚ್ಚನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Kāya liṅgārpitavāda baḷika
karmatrayagaḷu iralāgadu nōḍā.
Jīva liṅgārpitavāda baḷika
sansāravyāptiyahanthā jīvana guṇaviralāgadu.
Adu arpitavalla nōḍā.
Karaṇaṅgaḷu liṅgārpitavāda baḷika
ā karaṇaṅgaḷellavu liṅga kiraṇaṅgaḷāgi
ā liṅga kiraṇave haraṇavāgirabēku nōḍā.
Kāyada jīvada karaṇada guṇava kaḷeyada
liṅgārpita prasādigaḷemba prapan̄cigaḷa maccanu kāṇā,
mahāliṅgaguru śivasid'dhēśvara prabhuvē.
