ಇಂದ್ರಿಯಂಗಳುಳ್ಳನ್ನಕ್ಕರ ಪ್ರಾಣಂಗೆ ಬಂಧನ ಮಾಬುದೆ
ಭವದುಃಖಿಗಳಿರಾ?
ಇಂದ್ರಿಯಂಗಳನೆಲ್ಲವ ಲಿಂಗಸಂಧಾನವ ಮಾಡಬಲ್ಲರೆ
ಪ್ರಾಣನ ಬಂಧನ ಬಿಟ್ಟು ಓಡುವುದು ನೋಡಾ.
ಪ್ರಾಣಲಿಂಗವಾಗಿಯಲ್ಲದೆ ಪ್ರಳಯವ ಗೆಲಬಾರದು.
ಪ್ರಳಯ ಪ್ರಳಯದ ಹಳೆಯರಾಗಿಪ್ಪವರ
ಪ್ರಾಣಲಿಂಗಸಂಬಂಧಿಗಳೆಂಬೆನಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Indriyaṅgaḷuḷḷannakkara prāṇaṅge bandhana mābude
bhavaduḥkhigaḷirā?
Indriyaṅgaḷanellava liṅgasandhānava māḍaballare
prāṇana bandhana biṭṭu ōḍuvudu nōḍā.
Prāṇaliṅgavāgiyallade praḷayava gelabāradu.
Praḷaya praḷayada haḷeyarāgippavara
prāṇaliṅgasambandhigaḷembenayya,
mahāliṅgaguru śivasid'dhēśvara prabhuvē.
