ಮೂರುಮಂಡಲ ತಿರುಗುವಲ್ಲಿ
ಆರೂರವರು ಅಳುತ್ತಿರ್ಪರು ನೋಡಾ.
ಬೇರೊಂದೂರವರು ಬಂದು,
ಮೂರುಮಂಡಲವನೊಂದುಮಾಡಿ
ಆರೂರವರ ಆಳುವ ಮಾಣಿಸಿ
ಬೇರೊಂದೂರ ಹೊಕ್ಕು ನೋಡಲು
ಈ ಊರೊಳಗೆ ಸತ್ತವನಿವನಾರೋಯೆಂದು
ನೋಡಿಯೆತ್ತ ಹೋಗಲು
ಎಲ್ಲರೂ ಸತ್ತುದ ಕಂಡು ಬೆರಗಾದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Mūrumaṇḍala tiruguvalli
ārūravaru aḷuttirparu nōḍā.
Bērondūravaru bandu,
mūrumaṇḍalavanondumāḍi
ārūravara āḷuva māṇisi
bērondūra hokku nōḍalu
ī ūroḷage sattavanivanārōyendu
nōḍiyetta hōgalu
ellarū sattuda kaṇḍu beragādenu kāṇā,
mahāliṅgaguru śivasid'dhēśvara prabhuvē.
