ಪಂಚಮುದ್ರೆ ಪಂಚಮುದ್ರೆಯೆಂದೇನೋ?
ಹೇಳಿಹೆ ಕೇಳಿ;
ಸರ್ವಾಂಗವನು ಸಮತೆಯೆಂಬ ಸದಾಚಾರದಲ್ಲಿಯೆ
ನೆಲೆಗೊಳಿಸಿದ್ದುದೇ ಕಂಥೆಯಯ್ಯ.
ಸುಬುದ್ಧಿಯೆಂಬ ಮಕುಟಕ್ಕೆ
ಅರುಹೆಂಬ ಬಟ್ಟಪಾವಡೆ, ಕ್ರೀಯೆಂಬ ಪಾಗ.
ವಿಚಾರದಿಂದ ಬಳಸಿ ಸುತ್ತಬೇಕು ಕಾಣಿರಣ್ಣಾ.
ದೃಢವೆಂಬ ದಂಡ, ವಿವೇಕವೆಂಬ ಕಪ್ಪರವ
ಹಿಡಿಯಬೇಕು ಕಾಣಿರಯ್ಯ.
ಜ್ಞಾನವೆಂಬ ಭಸ್ಮಘುಟಿಕೆ ಸುಮನವೆಂಬ ಗಮನ,
ಸುಚಿತ್ತವೆಂಬ ಸುಳುಹು, ಪರತತ್ವ ಸದ್ಭಾವದಿಂದ
ಪರಮದೇಹಿಯೆಂದು ಸುಳಿವ
ಪರದೇಶಿಕನ ತೋರಿ ಬದುಕಿಸಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Pan̄camudre pan̄camudreyendēnō?
Hēḷihe kēḷi;
sarvāṅgavanu samateyemba sadācāradalliye
nelegoḷisiddudē kantheyayya.
Subud'dhiyemba makuṭakke
aruhemba baṭṭapāvaḍe, krīyemba pāga.
Vicāradinda baḷasi suttabēku kāṇiraṇṇā.
Dr̥ḍhavemba daṇḍa, vivēkavemba kapparava
hiḍiyabēku kāṇirayya.
Jñānavemba bhasmaghuṭike sumanavemba gamana,
sucittavemba suḷuhu, paratatva sadbhāvadinda
paramadēhiyendu suḷiva
paradēśikana tōri badukisayya,
mahāliṅgaguru śivasid'dhēśvara prabhuvē.
