ಧರೆಯಾಕಾಶದ ಮಧ್ಯದಲ್ಲಿ
ಉರಿಯ ಸೀರೆಯನುಟ್ಟು
ಧರೆಯಾಕಾಶಕ್ಕೆ ಎಡೆಯಾಡುತಿದ್ದಾಳೆ ನೋಡಾ.
ಊರ ಒಳ ಹೊರಗೆ ತಾನಾಗಿ
ಆರು ಬಣ್ಣದ ಪಕ್ಷಿಯ ಶಿರದ ಅಮೃತವ ಕರೆದು
ತಾನು ಪರಮಾನಂದ ಲೀಲೆಯಿಂದ ನಲಿದಾಡುತಿದ್ದಾಳೆ ನೋಡಾ.
ಊರು ಬೆಂದು ಉಲುಹಳಿದುಳಿದು ಆರು ಬಣ್ಣದ ಪಕ್ಷಿಯಳಿದು
ಆರೂಢವಾಯಿತ್ತು ನೋಡಾ.
ಉರಿಯ ಸೀರೆಯ ಅಂಗನೆ ಉಪಮಾತೀತನ ನೆರೆದುದ ಕಂಡು
ಬೆರಗಾದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Dhareyākāśada madhyadalli
uriya sīreyanuṭṭu
dhareyākāśakke eḍeyāḍutiddāḷe nōḍā.
Ūra oḷa horage tānāgi
āru baṇṇada pakṣiya śirada amr̥tava karedu
tānu paramānanda līleyinda nalidāḍutiddāḷe nōḍā.
Ūru bendu uluhaḷiduḷidu āru baṇṇada pakṣiyaḷidu
ārūḍhavāyittu nōḍā.
Uriya sīreya aṅgane upamātītana nereduda kaṇḍu
beragādenu kāṇā,
mahāliṅgaguru śivasid'dhēśvara prabhuvē.
