ಬಿಂದಿನ ಕೊಡನ ಹೊತ್ತಾಡುವ
ಅಂಗನೆವೊಂದಾಗಿ ಹುಟ್ಟಿದರೈವರು
ಚಂದ ಚಂದದ ಮನೆಯ ರಚಿಸಿ
ಅಲ್ಲಿ ಸರ್ವರ ಒಂದುಗೂಡುವುದ ಕಂಡೆನಯ್ಯಾ.
ಬಿಂದಿನ ಕೊಡ ತುಳುಕಿ ಚಂದ್ರಾಮೃತವೊಗಲು
ಚಂದಚಂದದ ಮನೆಯಳಿದು
ಒಂದಾಗಿ ಹುಟ್ಟಿದವರೈವರು ಒಬ್ಬನ ನೆರೆದು
ನಿಬ್ಬೆರಗಾದುದ ಕಂಡು ನಾನು ಬೆರಗಾದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Bindina koḍana hottāḍuva
aṅganevondāgi huṭṭidaraivaru
canda candada maneya racisi
alli sarvara ondugūḍuvuda kaṇḍenayyā.
Bindina koḍa tuḷuki candrāmr̥tavogalu
candacandada maneyaḷidu
ondāgi huṭṭidavaraivaru obbana neredu
nibberagāduda kaṇḍu nānu beragādenu kāṇā,
mahāliṅgaguru śivasid'dhēśvara prabhuvē.
